Radujn tut baši tli nadež

I nadež tani sar kotva (Ev 6:19). Oj pomožinela amenge te na ovel amen duhovno brodolom keda isi amen bure ko životo (1Ti 1:18, 19). Adala bure šaj te oven keda siem razočarime taro amare greške, keda isi amen finansiska hem zdravstvena problemija, keda merela amendar nekoj ili keda isi amen ispit baši vera.

I vera hem i nadež pomožinena amen jasno te dikha i nagrada soj amenge vetimi (2Ko 4:16-18; Ev 11:13, 26, 27). Adaleske, bizi razlika dali isi amen nadež te živina ko nebo ili ki Phuv, amen valjani redovno te zajaknina amari nadež adalea so hor ka razmislina bašo adava so vetinela e Devleskoro Lafi. Agjaar polokhe ka šaj te ačhova radosna keda isi amen nevolje (1Pe 1:6, 7).

DIKH O VIDEOKLIPI RADUJN TUT BAŠI TLI NADEŽ, A PALO ADAVA KEREN LAFI BAŠO AKALA PUČIBA:

• Soske o Mojsej tano šukar primer amenge?

• Savi odgovornost isi e poglavaren ki familija?

• Bašo so šaj te keren lafi ki Familijarno rat?

• Sar i nadež šaj te pomožinel tut hrabro te ikljove ko krajo e nevoljencar?

• Kova blagoslov edvaj adžikereja ko nevo sveto?