Kobor tani bari tli vera ko e Jehovaskere vetuvanja?

O Isus Navin hem o Solomon vakergje kaj na ačhilo nijekh proroštvo so na ispolningja pe (IsN 23:14; 1Ca 8:56). Akala manuša dikhle sar o Jehova ispolninela o proroštvija, adaleske lengere lafija šaj te bajraren amari vera (2Ko 13:1; Tit 1:2).

Sar o Jehova ispolningja ple vetuvanja ko vreme e Isus Navineskoro? Zaedno te familijaja, dikhen i videodrama „Nitu edno vetuvanje ne ostana neispolneto“. Palo adava dikhen akala pučiba: 1) Sar šaj te sikave vera sar i Raav? (Ev 11:31; Jk 2:24-26). 2) Sar o primer e Ahaneskoro sikavela kobor tane lošna o posledice keda tano nekoj neposlušno? 3) Iako o Gavaoncija sine junakija, soske hovavgje e Isus Navine hem sklučingje mir e Izraelconcar? 4) Sar e Jehovaskere lafija ule čače keda o pandž amorejska carija zakaningje pe e Izraelconge? (IsN 10:5-14). 5) Sar o Jehova pomožingja tut adaleske so čhivgjan ko prvo than ko tlo životo o Carstvo hem e Devleskiri pravednost? (Mt 6:33).

Ako razmislinaja bašo sa adava so kergja o Jehova, so kerela akana hem so ka kerel ki idnina, amari vera ko leskere vetuvanja ka ovel posilno (Ri 8:31, 32).