O Isus mulo bašo to phral da

O Isus dengja plo životo bašo nesovršena manuša (Ri 5:8). Sigurno siem but blagodarna so o Isus sikavgja mangipe adalea so dengja plo životo amenge. Ama, nesavo puti, šukar tano te setina amen kaj o Isus mulo bašo amaro phral da. Sar šaj te dža palo leskoro primer te sikava mangipe amare phralenge hem phenjenge kola soj nesovršena isto sar amende? Te dikha trin načinija. Prvo, šaj te oven amen poviše amala hem te družina amen okolencar so isi len javer poteklo hem kultura (Ri 15:7; 2Ko 6:12, 13). Dujto, valjani te pazina te na vakera ili te kera bukja so šaj te povredinen e javeren (Ri 14:13-15). Hem trito, ako nekoj grešinela amenge, valjani sigate te prostina leske (Lk 17:3, 4; 23:34). Ako daja amendar sa te dža palo e Isuseskoro primer, o Jehova ponadari da ka del bereketija ko sobranie hem ki leste ka vladinel mir hem jekhipe.

DIKH O VIDEOKLIPI VAŽNO TANO SAR DIKHAJA KO BUKJA, HEM PALO ADAVA ODGOVORIN KO AKALA PUČIBA:

• 

  Sar ko početok dikhela sine i Mika ko objavitelija taro lakoro sobranie?

• 

  Soske počmingja te dikhel negativno ko javera?

• 

  Sar o primer e Isuseskoro pomožingja lake te ispravinel plo stavi? (Mr 14:38)

• 

  Sar o lafija taro Izreki 19:11 šaj te pomožinen amen te dikha pozitivno ko amare phralja hem phenja?