1 LEKCIJA

Ker šukar uvod

Dela 17:22

SO TE KERE: Tle uvodea valjani te bajrare o interes e javerengoro. Isto agjaar, valjani te pomožine lenge te haljoven bašo so ka kere lafi hem soske tano adava važno.

SAR TE KERE ADAVA:

Bajrar o interes. Puč pučibe ili vaker nešto so čače slučingja pe, nesavo aktuelno nastan ili nešto javer so ka interesinel adalen so šunena tut.

Angleder šukar razmislin hem ko tlo uvod vaker nešto so interesinela ili sekirinela adalen so šunena tut.
Pomožin lenge te haljoven bašo so ka kere lafi. Trudin tut taro tlo uvod jasno te dikhel pe bašo so ka kere lafi hem koja tani tli cel.
Pomožin lenge te haljoven soske tano važno adava so ka vakere. Ker o uvod sprema o potrebe adalengere so šunena tut. Ola valjani jasno te haljoven sar ka pomožinel lenge adava so vakerea.

Džikote spreminea nesavo govor, puč tut: „Save problemencar borinena pe o phralja hem o phenja taro mlo sobranie?“ Palo adava ker uvod so ka odgovorinel sprema lengere potrebe.