2. PUČIBE
Sar šaj te džana poviše bašo Devel?
„Akava lil e zakoneskoro ma te cidel pe tle mujestar! Hem tu mora te čitine hem te razmisline leske dive hem rat, te šaj te kere sa adava so pišinela ki leste, soske tegani ka ove uspešno ko tlo drumo hem ka ove mudro.“
„Čitinena sine ko glaso taro lil, taro Zakoni e čačutne Devleskoro, objasninena le sine šukar hem pomožinena sine e manušenge te haljoven leskiri smisla. Agjaar pomožingje e manušenge te haljoven adava so sine čitimo.“
„Srekjno tano o manuš so na džala palo o sovet e lošnongoro... nego uživinela ko e Jehovaskoro zakoni, čitinela hem razmislinela leskere zakoneske dive hem rat... ko sa so kerela, ka ovel uspešno.“
„Tegani o Filip prastandilo dži ki kočija hem šungja le sar čitinela ko glaso taro proroko o Isaija, hem pučlja le: ’Haljovea li adava so čitinea?‘ A ov odgovoringja: ’Sar ka haljovav ako nekoj na objasninela mange?‘“
„Iako našti te dikha e Devle, sepak preku o bukja so stvoringja len panda taro vreme keda kergja o sveto, o manuša šaj t dikhen leskere osobine, sar soj leskiri večno mokj, a isto agjaar šaj te dikhen kaj ov čače tano Devel. Adaleske, adale manušen so na verujnena ko Devel, nane len nisavo izgovor.“
„Razmislin bašo akala bukja, posvetin tut lenge, te šaj tlo napredok te dikhen sarine.“
„Te razmislina jekh jekheske te šaj te pottiknina amen te sikava mangipe hem te kera šukaripe. Te na mukha amare sostanokija.“
„Ako nekaske tumendar falinela mudrost, ponadari da neka rodel taro Devel hem ov ka del le, soske ov dela darežlivo sarinenge hem bizo te rodel o greške.“