16. PUČIBE
Sar te ikljove ko krajo e sekiraciencar?
„Frde tlo pharipe e Jehovaske, hem ov ka pomožinel tut. Nikogaš nane te mukhel o pravedno manuš te sopkinel pe.“
„O planija okoleskere so trudinela pe sigurno anena korist, a sekoj so sigjarela džala ko čorolipe.“
„Ma dara, soske me sium tuja! Ma ov sekirimo, soske me sium tlo Devel! Me ka kerav tut zoralo hem ka pomožinav tuke. Ka ikerav tut mle desno pravedno vastea.“
„Koj tumendar, adalea so ka sekirinel pe, šaj barem hari te prodolžinel plo životo?“
„Adaleske, nikogaš ma sekirinen tumen bašo tajsutno dive, soske o tajsutno dive isi le ple sekiracie. Dovolno tano so sekova dive isi le ple problemija.“
„Proceninen soj tano najvažno.“
„Ma sekirinen tumen bašo ništo, nego sa adava so valjani tumenge vakeren le e Devleske ki molitva. Molinen tumen leske celo vilea hem blagodarinen tumen leske. Ako kerena agjaar o mir taro Devel, kova soj upreder taro adava so šaj o manuš te haljol, ka arakhel tumare vile hem tumare misle preku o Hristos Isus.“