18. PUČIBE
Sar šaj te ove paše e Devlea?
„Tu sian adava so šunela o molitve, ki tute avela sekova manuš.“
„Neka ovel tut doverba ko Jehova celo vilea hem te na ovel tut doverba ko tlo haljojbe. Ko sa tle drumija neka ovel tuke ki godi, hem ov ka isprajnel tle drumija.“
„Te šaj te ovel len večno životo valjani šukar te pendžaren tut, e jekhe čačutne Devle hem okole so bičhalgjan le, e Isus Hristose.“
„[O Devel] nane dur nikastar amendar.“
„Ponadari molinava man tumaro mangipe sa poviše hem poviše te bajrol, pošukar te pendžaren hem šukar te haljoven e Devleskiri volja.“
„Ak nekaske tumendar falinela mudrost, ponadari da neka rodel taro Devel hem ov ka del le, soske ov dela darežlivo sarinenge hem bizo te rodel o greške.“
„Oven paše e Devlea, hem ov ka ovel paše tumencar. Tumen o grešnikija, thoven tumare vasta, tumen so na sien odlučna, čistinen tumare vile.“
„Te mangel pe e Devle značinela te ikeren pe leskere zapovedija, a leskere zapovedija nane phare.“