10. PUČIBE
So vakerela i Biblija baši idnina?
„O pravedna manuša ka nasledinen i phuv hem ka živinen večno ki late.“
„I phuv ačhovela zasekogaš.“
„Ov ka uništinel o meribe zasekogaš hem o Najbaro Gospodari o Jehova ka kosel o asva taro sekova muj.“
„Tegani o jakhja e korolengere ka phravgjon hem o kana e kašukengere ka šunen. Tegani o sakati ka rupinel sar eleni, a i čhib e laloreskiri radosno ka vikinel. Soske, ki pustina ka pojavinen pe but panja hem ki šuki phuv potokija.“
„Ov ka kosel sekoja asvin taro lengere jakhja, hem meribe nane te ovel više, ni žalibe, ni rojbe, ni dukha. Sa so sine angle, nakhlja.“
„Ola ka gradinen khera hem ka živinen ki lende, ka sadinen drakha hem ka han lengoro plodi. Nane ola te gradinen, a nekoj javer te živinel ki lende, nane ola te sadinen, a nekoj javer te hal lengoro plodi. Soske, o dive mle narodoskere ka oven sar o dive e kašteskere, hem adala soj birime mandar ka uživinen ki buti so ka keren ple vastencar.“