E Biblijakiri glavno tema tani e Devleskoro Carstvo. O Jehova ka koristinel akava Carstvo te šaj te kerel i Phuv raj. Soj tano adava Carstvo? Kotar džanaja kaj više počmingja te vladinel? Kola bukja kergja dži akana hem kola bukja ka kerel ki idnina? Akaja hem o sledna duj lekcie ka odgovorinen ko akala pučiba.

1. Soj tano e Devleskoro Carstvo hem koj tano leskoro Cari?

O Carstvo tano jekh vlada koja soj tani postavimi taro Jehova o Devel. O Cari taro akava Carstvo tano o Isus Hristos hem ov vladinela taro nebo (Matej 4:17; Jovan 18:36). I Biblija bašo Isus vakerela: „Ov večno ka vladinel sar Cari“ (Luka 1:32, 33). Sar Cari ko e Devleskoro Carstvo, o Isus ka vladinel upro sarine so živinena ki Phuv.

2. Koj vladinela zaedno e Isusea?

O Isus na vladinela korkori. Manuša „taro sekova pleme, čhib, narodo hem nacija... ka vladinen sar carija upri celi phuv“ (Otkrovenie 5:9, 10). Kobor džene ka vladinen zaedno e Isusea? Otkeda o Isus alo ki Phuv nakhlja but vreme hem but milionja manuša ule hristijanja hem leskere sledbenikija. Ama, samo 144.000 lendar ka džan ko nebo te vladinen zaedno e Isusea. (Čitin Otkrovenie 14:1-4.) Sa o javera hristijanja ka živinen ki Phuv hem ka oven gragjanija taro e Devleskoro Carstvo (Psalm 37:29).

3. Soske e Devleskoro Carstvo tano pošukar taro manušikane vlade?

Čak keda o manuša so isi len vlast trudinena pe te keren nešto šukar e narodoske, but puti olen nane len dovolno mokj te keren sa adava so mangena. Osven adava, palo nesavo vreme lenge ko than šaj te aven manuša kola soj tane sebična hem kola so na mangena te pomožinen e manušenge. Ama, ko e Devleskoro Carstvo nikoj javer nane te avel ko than e Isuseske sar Cari. O Devel „ka vazdel carstvo kova so nikogaš nane te ovel uništimo“ (Daniel 2:44). O Isus ka vladinel upri celi Phuv hem nane te ovel pristrasno ili te kerel razlika maškar o manuša. Ov tano pherdo mangipaja, ljubezno hem pravedno hem ka sikavel e manušen ola da te oven asavke sprema o javera. (Čitin Isaija 11:9.)

4. Jekh mokjno vlada ka vladinel celo svetoja

O Isus Hristos tano but pomokjno taro bilo kova vladeteli ki istorija. Čitin Matej 28:18, a palo adava keren lafi bašo akava pučibe:

• Ko so razlikujnela pe i vlast so isi e Isuse tari vlast so isi e manušen?

O manušikane vlade but puti meninena pe hem sekoja lendar vladinela samo upro jekh delo ki Phuv. Ama, sar tano e Devleskere Carstvoja? Čitin Daniel 7:14, a palo adava keren lafi bašo akala pučiba:

• So mislinea, soske tano šukar so e Devleskoro Carstvo „nikogaš nane te ovel uništimo“?

• So mislinea, soske tano šukar so ov ka vladinel upri celi Phuv?

5. O manušikane vlade mora te oven zamenime

Soske e Devleskoro Carstvo mora te zameninel e manušikane vladen? Dikh o VIDEOKLIPI, a palo adava keren lafi bašo akava pučibe:

VIDEOKLIPI: Soj e Devleskoro Carstvo? — izvadok (1:41)

• Save tane o rezultatija taro manušikano vladibe?

Čitin Propovednik 8:9, a palo adava keren lafi bašo akava pučibe:

• Dali mislinea kaj e Devleskoro Carstvo valjani te zameninel e manušikane vladen hem soske?

6. O vladetelija ko e Devleskoro Carstvo haljovena amen

Adaleske so amaro Cari, o Isus, živingja sar manuš, ov šaj „te haljovel amare slabostija“ (Evreite 4:15). Zaedno lea ka vladinen 144.000 verna murša hem džuvlja kolen so o Devel biringja „taro sekova pleme, čhib, narodo hem nacija“ (Otkrovenie 5:9).

• Dali ohrabrinela tut adava so džanea kaj o Isus hem adala so ka vladinen zaedno lea džanena sar tano te živine sar manuš hem soske?

7. E Devleskere Carstvo isi le o najšukar zakonija

O vlade kerena zakonija kola so mislinena kaj ka oven korisna e gragjanenge hem kaj ka zaštitinen len. Isto agjaar, e Devleskere Carstvo isi le ple zakonija hem okola so mangena ov te vladinel upri lende valjani te ikeren pe ko adala zakonija. Čitin 1. Korinkjanite 6:9-11, a palo adava keren lafi bašo akala pučiba:

• So mislinea, savo ka ovel o sveto ako sarine ikerena pe ko e Devleskere zakonija?a

• So mislinea, dali e Jehova isi le pravo te očekujnel okolendar so mangena leskoro Carstvo te vladinel upri lende te ikeren pe ko leskere zakonija? Soske mislinea agjaar?

• Kotar džanaja kaj o manuša so nane poslušna ko akala zakonija šaj te meninen pe? (Dikh o stiho 11.)

SO SIKLILEM

E Devleskoro Carstvo tano jekh čačutni vlada ko nebo koja so ka vladinel upri celi Phuv.

Sar ka odgovorine?

• Koj tane o vladetelija ko e Devleskoro Carstvo?

• Soske e Devleskoro Carstvo tano but pošukar tari bilo koja manušikani vlada?

• So očekujnela o Jehova taro okola so mangena leskoro Carstvo te vladinel upri lende?

ISTRAŽIN

Čitin so vakergja o Isus bašo adava kote tano e Devleskoro Carstvo.

„Dali Božjeto Carstvo se naogja vo tvoeto srce?” (internet statija)

Dikh so vakerela i Biblija bašo 144.000 soj birime taro Jehova te vladinen zaedno e Isusea.

„Koj odi na neboto?” (internet statija)

So uveringja jekhe džuvlja koja so sine phanli ko zatvor kaj samo o Devel šaj te anel pravda ko sveto?

„Kade go najdov rešenieto za nepravdite” (Razbudete se! taro noemvri 2011)

E Devleskoro Carstvo počmingja te vladinel ko nebo ko 1914 berš. Ko akava berš, isto agjaar, počmingje o posledna dive taro manušikano vladibe. Kotar džanaja adava? Te šaj te dobina o odgovor, valjani te dikha so prorokujngja i Biblija hem te dikha sar o uslovija ko sveto hem o manuša meningje pe taro 1914 berš.

1. So prorokujngja i Biblija?

Taro biblisko lil Daniel džanaja kaj e Devleskoro Carstvo ka počminel te vladinel otkeda ka završinel o periodi so vikinela pe „efta vremija“ (Daniel 4:16, 17). Vekoncar pokasno, o Isus bašo akava periodi vakergja kaj tano „o vreme soj odredimo e narodonge so na služinena e Devleske“ hem vakergja kaj adava periodi panda na završingja (Luka 21:24). Sar so ka dikha, akala efta vremija završingje ko 1914 berš.

2. Sar o uslovija ko sveto hem o manuša meningje pe taro 1914 berš?

E Isuseskere učenikija pučle le: „Kova ka ovel o znako baši tli prisutnost hem bašo krajo akale svetoskoro?“ (Matej 24:3). Ko odgovor, o Isus vakergja but bukja so ka slučinen pe otkeda ka počminel te vladinel ko nebo sar Cari ko e Devleskoro Carstvo. Ov vakergja kaj ka oven vojne, bokhalipa, zemjotresija hem javera bukja. (Čitin Matej 24:7.) Isto agjaar, i Biblija prorokujngja kaj o životo ko „posledna dive“ ka ovel „but pharo“ adaleske so o manuša ka oven lošna (2. Timotej 3:1-5). Sa akala bukja počmingje sa poviše te oven hem jasno te dikhen pe taro 1914 berš.

3. Soske o uslovija ko sveto ule doborom lošna otkeda počmingja te vladinel e Devleskoro Carstvo?

Kratko otkeda o Isus ulo Cari ko e Devleskoro Carstvo, ov vodingja vojna protiv o Satana hem o demonija. O Satana našavgja ki adaja vojna. I Biblija vakerela: „[O Satana] sine frdimo ki phuv, a zaedno lea sine frdime leskere angelija da“ (Otkrovenie 12:9, 10, 12). Ov tano but holjamo soske džanela kaj ka ovel uništimo. Adaleske kerela ko celo sveto te ovel lošnipe hem muke. Na čudinela amen so o uslovija ko sveto tane doborom lošna! Ama, e Devleskoro Carstvo ka rešinel sa akala problemija.

DOZNAJN POVIŠE

4. O bibliska proroštvija sikavena kaj o Carstvo počmingja te vladinel ko 1914 berš

VIDEOKLIPI: E Devleskoro Carstvo počmingja te vladinel ko 1914 berš (5:02)

O Devel kergja o Navuhodonosor, kova so sine cari ko purano Vavilon, te dikhel jekh suno kova so sine proroštvo. O suno hem o objasnuvanje so dengja o proroko o Daniel sikavena kaj akava proroštvo isi le duj ispolnuvanja. O prvo ispolnuvanje sine upro e Navuhodonosoreskoro vladibe, a o dujto upro e Devleskoro Carstvo. (Čitin Daniel 4:17.)a

Čitin Daniel 4:20-26, a palo adava koristin i ramka te šaj te odgovorine ko akala pučiba:

• (1) So dikhlja ko suno o Navuhodonosor? (Dikh o stihija 20 hem 21.)

• (2) So ka ovel e kaštea? (Dikh o stiho 23.)

• (3) So ka ovel otkeda ka završinen o „efta vremija“? (Dikh o stiho 26.)

Sar o suno bašo kaš tano povrzimo e Devleskere Carstvoja?

O PROROŠTVO (Daniel 4:20-36)

O vladibe

(1) Jekh but baro kaš

O vladibe čhinavdo

(2) „Čhinen o kaš“ hem neka nakhen „efta vremija“

O vladibe iramo

(3) „Tlo carstvo palem ka iranel pe tuke“

Ko prvo ispolnuvanje taro akava proroštvo...

• (4) kas pretstavinela o kaš? (Dikh o stiho 22.)

• (5) sar sine čhinavdo leskoro vladibe? (Čitin Daniel 4:29-33.)

• (6) so slučingja pe e Navuhodonosoreske ko krajo taro „efta vremija“? (Čitin Daniel 4:34-36.)

PRVO ISPOLNUVANJE

O vladibe

(4) O Navuhodonosor, o cari taro Vavilon

O vladibe čhinavdo

(5) Palo 606 berš a.a.e., o Navuhodonosor našavela pli godi hem našti te vladinel efta doslovna berša

O vladibe iramo

(6) E Navuhodonosoreskiri godi iranela pe hem ov počminel palem te vladinel

Ko dujto ispolnuvanje taro akava proroštvo...

• (7) kas pretstavinela o kaš? (Čitin 1. Letopisi 29:23.)

• (8) sar sine čhinavdo lengoro vladibe? Kotar džanaja kaj akava panda trajnela sine džikote o Isus sine ki Phuv? (Čitin Luka 21:24.)

• (9) keda hem kote sine irami i vlast?

DUJTO ISPOLNUVANJE

O vladibe

(7) O izraelska carija kola so pretstavinena sine e Devleskoro vladibe

O vladibe čhinavdo

(8) O Erusalim tano uništimo, i vlast taro izraelska carija tani čhinavdi 2.520 berša

O vladibe iramo

(9) O Isus počminela te vladinel ko nebo sar Cari ko e Devleskoro Carstvo

5. O sveto meningja pe taro 1914 berš

Dikh o VIDEOKLIPI.

VIDEOKLIPI: O sveto meningja pe taro 1914 berš (1:10)

O Isus vakergja savo ka ovel o sveto otkeda ov ka ovel Cari. Čitin Luka 21:9-11, a palo adava keren lafi bašo akava pučibe:

• Kola taro akala bukja lično doživingjan ili šungjan kaj slučingje pe?

O apostol Pavle opišingja save ka oven o manuša ko posledna dive taro manušikano vladibe. Čitin 2. Timotej 3:1-5, a palo adava keren lafi bašo akava pučibe:

• Kola taro akala bukja dikhljan ko manuša avdive?

6. Ko so valjani te pottikninel amen adava so e Devleskoro Carstvo vladinela?

Čitin Matej 24:3, 14, a palo adava keren lafi bašo akala pučiba:

• Koja važno zadača sikavela kaj e Devleskoro Carstvo više vladinela?

• Sar šaj tu da te učestvujne ki akaja zadača?

E Devleskoro Carstvo više vladinela ko nebo hem but paše tano o dive keda ka počminel te vladinel upri celi Phuv. Čitin Evreite 10:24, 25, a palo adava keren lafi bašo akava pučibe:

• So valjani sekoj amendar te kerel džikote dikhela „kaj avela popaše o dive“?

SO SIKLILEM

O bibliska proroštvija hem o uslovija ko sveto sikavena kaj e Devleskoro Carstvo više vladinela. Amen sikavaja kaj verujnaja ko adava agjaar so propovedinaja baši leste hem prisustvujnaja ko sostanokija.

Sar ka odgovorine?

• So slučingja pe ko krajo taro efta vremija soj spomnime ki Biblija ko lil Daniel?

• So uverinela tut kaj e Devleskoro Carstvo počmingja te vladinel ko 1914 berš?

• Sar šaj te sikave kaj verujnea kaj e Devleskoro Carstvo više vladinela?

ISTRAŽIN

Dikh so vakerena o istoričarija hem o javera manuša bašo adava sar o sveto meningja pe taro 1914 berš.

„Vreme na drastičen pad na moralot“ (Razbudete se! taro april 2007)

Čitin sar o proroštvo ko Matej 24:14 vlijajngja upro jekhe manušeskoro životo.

„Bejzbolot mi beše sé!“ (Stražarska kula br. 3, 2017)

Kotar džanaja kaj o proroštvo taro Daniel 4 poglavje odnesinela pe ko e Devleskoro Carstvo?

„Koga počnalo da vladee Božjeto Carstvo? (prv del)“ (Stražarska kula taro 1 oktomvri 2014)

So sikavela kaj o „efta vremija“ soj spomnime ko Daniel 4 poglavje završingje ko 1914 berš?

„Koga počnalo da vladee Božjeto Carstvo? (vtor del)“ (Stražarska kula taro 1 noemvri 2014)

E Devleskoro Carstvo više vladinela. Panda hari, ov ka kerel bare promene ki Phuv. Te dikha nesave šukar bukja so ka kerel e Devleskoro Carstvo.

1. Sar e Devleskoro Carstvo ka anel mir hem pravda ki Phuv?

O Isus, sar cari ko e Devleskoro Carstvo, ka uništinel e lošna manušen hem e vladen ki vojna so vikinela pe Armagedon (Otkrovenie 16:14, 16). Tegani ka ispolninel pe akava vetuvanje tari Biblija: „Panda hari, o lošno nane te ovel više“ (Psalm 37:10). Preku e Devleskoro Carstvo, o Isus ka kerel te ovel mir hem pravda ki celi Phuv. (Čitin Isaija 11:4.)

2. Savo ka ovel o životo ki Phuv keda sarine ka keren e Devleskiri volja?

Keda e Devleskoro Carstvo ka vladinel „o pravedna manuša ka nasledinen i phuv hem ka živinen večno ki late“ (Psalm 37:​29). Zamislin tuke te živine ko sveto kote so sarine tane pravedna hem mangena e Jehova hem jekh jekhe! Nikoj nane te ovel nasvalo hem sarine ka živinen večno.

3. So ka kerel e Devleskoro Carstvo otkeda o lošna manuša ka oven uništime?

Otkeda o lošna manuša ka oven uništime, o Isus ka vladinel sar Cari 1.000 berša. Ko adava vreme, ov hem o 144.000 so ka vladinen zaedno lea, ka pomožinen e manušenge te oven sovršena. Ko krajo taro adava periodi i Phuv ka ovel raj hem sa o manuša ka oven bahtale adaleske so šunena e Jehovaskere zakonija. Tegani o Isus ka iranel o Carstvo ple Dadeske e Jehovaske. Sar nikogaš angleder, ka „slavinel pe [e Jehovaskoro] anav“ (Matej 6:9, 10). Tegani ka ovel jasno kaj o Jehova tano šukar Vladeteli kova so grižinela pe bašo ple sluge. Palo adava, o Jehova ka uništinel e Satana, e demonen hem sa okolen so buninena pe protiv leskoro vladibe (Otkrovenie 20:7-10). Sa o šukar bukja so ka kerel e Devleskoro Carstvo ka ačhoven zasekogaš.

DOZNAJN POVIŠE

4. E Devleskoro Carstvo ka čhivel krajo e manušikane vladenge

„O manuš vladinela upro manuš ki leskiri šteta“ (Propovednik 8:9). Preku plo Carstvo, o Jehova ka popravinel sa i šteta so kergje o manuša ple vladibaja.

Čitin Daniel 2:44 hem 2. Solunjanite 1:6-8, a palo adava keren lafi bašo akala pučiba:

• So ka kerel o Jehova hem o Isus e manušikane vladenge hem okolenge so poddržinena len?

• Sar adava so dži akana sikliljan bašo Jehova hem o Isus uverinela tut kaj sa adava so ka keren ka ovel pravedno?

5. O Isus tano o najšukar Cari

Sar Cari ko e Devleskoro Carstvo, o Isus ka pomožinel e manušenge ki Phuv ko razna načinija. Dikh o VIDEOKLIPI te šaj te dikhe kaj o Isus mangela te pomožinel e manušenge hem kaj o Jehova dengja le i mokj te kerel adava.

VIDEOKLIPI: O Isus sikavgja so ka kerel e Devleskoro Carstvo (1:13)

O bukja so kergja o Isus džikote sine ki Phuv, sikavena so ka kerel e Devleskoro Carstvo. Kola bereketija soj tane dende potele adžikerea posebno te ispolninen pe? Čitin o stihija kola so kerena lafi bašo adala bereketija.

6. E Devleskoro Carstvo ka anel jekh but šuži idnina

VIDEOKLIPI: Bereketija so ka aven ki idnina (4:38)

Čitin Psalm 145:16, a palo adava keren lafi bašo akava pučibe:

• Sar osetinea tut bašo adava so džanea kaj o Jehova ka del „sa e manušenge hem e životnenge adava so mangena“?

SO SIKLILEM

Preku plo Carstvo o Devel ka kerel adava so mangela. Keda o Carstvo ka vladinel, celi Phuv ka ovel raj hem ki late ka živinen samo šukar manuša kola so zasekogaš ka obožavinen e Jehova.

Sar ka odgovorine?

• Sar e Devleskoro Carstvo ka slavinel e Jehovaskoro anav?

• Soske šaj te verujna kaj e Devleskoro Carstvo ka ispolninel o vetuvanja tari Biblija?

• Koja buti mangea najviše te kerel e Devleskoro Carstvo?

ISTRAŽIN

Doznajn soj tani i vojna Armagedon.

„Što e Armagedon?“ (internet statija)

Čitin kola nastanija ka oven ko vreme kova so o Isus vikingja le „bari nevolja“ (Matej 24:21).

„Što e golemata nevolja?“ (internet statija)

Dikh sar šaj sar familija te razmislinen bašo raj.

Zamisli se sebesi vo rajot (1:50)

Ko iskustvo e naslovea „Me mačea mnogu prašanja“, čitin sar jekh političko buntovniko halilo koj ka rešinel amare problemija.

„Biblijata menuva životi“ (Stražarska kula taro 1 januari 2012)