Koj tano o Devel?

Panda taro početok tari manušikani istorija, o manuša obožavinena sine bute devlen. Ama, i Biblija vakerela kaj postojnela samo jekh Devel kova soj tano „pobaro taro sa o javera devela“ (2. Letopisi 2:5). Koj tano adava Devel? Hem soske tano pobaro taro sa o javera devela kolen so obožavinena o manuša? Sikljov ki akaja lekcija so mangela o Devel te džane baši leste.

1. Kova tano e Devleskoro anav, hem soske šaj te ova sigurna kaj ov mangela te džana adava anav?

Ki Biblija, o Devel otkrinela amenge nesave bukja baši peste. Ov vakerela: „Me sium o Jehova. Adava tano mlo anav“. (Čitin Isaija 42:5, 8.) O anav Jehova, kova so avela tari hebrejsko čhib, najverojatno značinela „Ov kerela te ovel“. O Jehova mangela te džana leskoro anav (2. Mojseeva 3:15). Soske šaj te ova sigurna ko akava? Ov dengja ki Biblija leskoro anav te ovel pišimo poviše taro 7.000 puti!a O anav Jehova pripadinela „e čačutne Devleske upre ko nebo hem tele ki phuv“ (5. Mojseeva 4:39).

2. So vakerela amenge i Biblija bašo Jehova?

I Biblija vakerela amenge kaj o Jehova tano o edinstveno čačutno Devel, iako o manuša obožavinena bute javere devlen. Soske šaj te ova sigurna ko akava? Isi nekobor pričine. E Jehova isi le i najbari, javere lafencar i vrhovno vlast hem samo ov tano o „Najbaro upri celo phuv“. (Čitin Psalm 83:18.) Ov tano Semokjno, a adava značinela kaj isi le mokj te kerel sa so mangela. Ov stvoringja sa — o univerzum hem sa soj dživdo ki Phuv (Otkrovenie 4:8, 11). Hem samo o Jehova sekogaš postojnela sine hem ka postojnel (Psalm 90:2).

3. E Devle isi le but titule, ama samo jekh anav

Te šaj te dikhe savi tani i razlika maškar i titula hem o anav jekhe manušeskoro, dikh o VIDEOKLIPI, a palo adava keren lafi bašo akava pučibe:

VIDEOKLIPI: But titule, ama samo jekh anav (0:41)

• Koja tani i razlika maškar jekh titula, sar soj „Gospod“, hem jekh anav?

I Biblija vakerela kaj o manuša služinena bute devlenge hem gospodarenge. Čitin Psalm 136:1-3, a palo adava keren lafi bašo akava pučibe:

• Koj tano o Devel „kova tano najbaro taro sa o devela“ hem o Gospodari „kova tano najbaro taro sa o gospodarija“?

4. O Jehova mangela te džane hem te koristine leskoro anav

VIDEOKLIPI: Dali e Devle isi le anav? — izvadok (3:11)

• So mislinea, soske o Jehova mangela te džana leskoro anav?

O Jehova mangela o manuša te koristinen leskoro anav. Čitin Rimjanite 10:13, a palo adava keren lafi bašo akala pučiba:

• Soske tano važno te koristina e Devleskoro anav, Jehova?

• Sar osetinea tut keda nekoj pamtinela hem koristinela tlo anav?

• So mislinea, sar osetinela pe o Jehova keda koristinea leskoro anav?

5. O Jehova mangela te ove lea popaše

VIDEOKLIPI: Rodava sine e čačutne Devle (8:18)

• Sar vlijajngja upri Soten adava so doznajngja e Devleskoro anav?

Angleder te ove nekasaja amal, obično prvo doznajnea leskoro anav. Čitin Jakov 4:8a, a palo adava keren lafi bašo akala pučiba:

• Sprema akava stiho, ko so pottikninela tut o Jehova?

• Sar adava so džanea hem koristinea e Devleskoro anav pomožinela tuke te ove lea popaše?

SO SIKLILEM

O edinstveno čačutno Devel vikinela pe Jehova. Ov mangela te džana hem te koristina leskoro anav te šaj te ova lea popaše.

Sar ka odgovorine?

• Sar o Jehova razlikujnela pe taro sa o javera devela kolen so o manuša obožavinena?

• Soske valjani te koristina e Devleskoro anav?

• So sikavela kaj o Jehova mangela te ove lea popaše?

ISTRAŽIN

Dikh pandž pričine soske šaj te ova sigurna kaj postojnela Devel.

„Dali postojnela Devel?“ (internet statija)

Soske tano logično te verujna kaj o Devel postojnela otsekogaš?

„Koj go sozdal Bog?“ (Stražarska kula taro 1 avgust 2014)

Doznajn soske valjani te koristina e Devleskoro anav iako na džanaja točno sar izgovorinela pe sine angleder.

„Koj tano o Jehova?“ (internet statija)

Dali tano važno sar vikinaja e Devle? Čitin soske šaj te vakera kaj e Devle isi le samo jekh lično anav.

„Kobor anava isi e Devle?“ (internet statija)