LEKCIJA 06
Sar ulo o životo?
Bašo Devel, i Biblija vakerela: „Tu kergjan sa o bukja“ (Otkrovenie 4:11). Dali verujnea ko adava? Nesave manuša vakerena kaj na postojnela Stvoriteli, javere lafencar kaj o životo na sine stvorimo. Ako adava tano točno, tegani amen ulem slučajno. Ama, ako o Jehova o Devel stvoringja o životo, tegani le sine le nesavi cel.a Dikh so vakerela i Biblija bašo adava sar ulo o životo hem soske isi amen šukar pričine te verujna kaj adava tano čače.
1. Sar ulo o univerzum?
Ki Biblija pišinela: „Ko početok o Devel kergja o nebo hem i phuv“ (1. Mojseeva 1:1). But naučnikija složinena pe kaj o univerzum isi le početok. Sar stvoringja le o Devel? Ov koristingja plo sveti duh te šaj te stvorinel sa soj ko univerzum, kote soj vklučime o galaksie, o čerenja hem o planete (1. Mojseeva 1:2).
2. Soske o Devel stvoringja i Phuv?
O Jehova i Phuv na stvoringja la džabe, nego kergja la te živinel pe ki late (Isaija 45:18). Ov kergja amari planeta te ovel šukar than živibaske hem te ovel ki late sa so valjani te šaj o manuša te živinen večno. (Čitin Isaija 40:28; 42:5.) O naučnikija vakerena kaj i Phuv razlikujnela pe taro sa o javera planete. Ola na arakhle nijekh javer planeta kolate so isi sa o uslovija so valjanena živibaske.
3. Ko so razlikujnena pe o manuša taro životne?
Otkeda stvoringja i Phuv, o Jehova stvoringja hem o životo ki late. Prvo, i Phuv phergja la rasteniencar hem životnencar. Palo adava, „o Devel kergja e manuše sprema plo liko“. (Čitin 1. Mojseeva 1:27.) So kerela e manušen te oven različna taro životne? Adaleske so siem stvorime sprema e Devleskoro liko, amen šaj te sikava leskere osobine sar soj o mangipe hem i pravda. Isto agjaar, o Devel dengja amen sposobnost te sikljova čhibja, te cenina i umetnost hem te uživina ki muzika. Osven adava, amen šaj te obožavina amare Stvoritele, nešto so o životne našti te keren.
DOZNAJN POVIŠE
Dikh nekobor dokazija bašo adava kaj o životo sine stvorimo hem kaj adava so vakerela i Biblija bašo stvoribe tano logično. Isto agjaar, dikh so šaj te sikljova bašo Devel taro šukar osobine so isi e manušen.
4. O životo sine stvorimo
O manuša dobinena pofalbe bašo bukja so kopirinena tari priroda. Tegani, koj valjani te dobinel pofalba bašo orginalija? Dikh o VIDEOKLIPI, a palo adava keren lafi bašo akava pučibe:
Kola bukja o manuša kopiringje tari priroda?
Sekova kher tano planirimo hem kerdo nekastar. Ama, koj planiringja hem kergja o bukja so isi ki priroda? Čitin Evreite 3:4, a palo adava keren lafi bašo akala pučiba:
Kola bukja so isi ki priroda vooduševinena tut?
Dali tano logično te verujna kaj sa so postojnela ko univerzum sine stvorimo, hem soske?
Dali džanljan?
Poviše statie hem videoklipija baši akaja tema šaj te arakhe ki jw.org ko rubrike „Slučajno ili sozdadeno?“ hem „Potekloto na životot“.
„Sekova kher nekoj kergja le, a okova so kergja sa tano o Devel“
5. Isi šukar pričine te verujna ko biblisko izveštaj bašo stvoribe
Ki Biblija, ki 1. Mojseeva ko prvo poglavje, pišinela sar sine stvorimi i Phuv hem o životo ki late. Šaj li te verujne ko adava izveštaj, ili mislinea kaj adava tano samo jekh paramis? Dikh o VIDEOKLIPI, a palo adava keren lafi bašo akala pučiba:
Dali i Biblija vakerela kaj i Phuv hem o životo ki late sine stvorime bašo šov dive taro 24 saatija?
Dali tano logično hem razumno te verujna ko biblisko izveštaj bašo stvoribe, hem soske mislinea agjaar?
Čitin 1. Mojseeva 1:1, a palo adava keren lafi bašo akava pučibe:
O naučnikija vakerena kaj o univerzum isi le početok. Dali lengoro zaklučok tano ko sklad e stihoja so akana čitingjem tari Biblija?
Nesave manuša pučena pe dali o Devel koristingja evolucija te šaj te stvorinel o životo. Čitin 1. Mojseeva 1:21, 25, 27, a palo adava keren lafi bašo akala pučiba:
Dali ki Biblija pišinela kaj o Devel stvoringja jekh ednostavno životno oblik, a palo adava dozvolingja ov te evoluirinel ko mačhe, životne hem manuša? Ili palem, o Devel stvoringja sa o osnovna životna „vrste“?
6. O Devel stvoringja e manušen te oven posebna
Amen razlikujnaja amen taro životne so stvoringja len o Jehova. Čitin 1. Mojseeva 1:26, a palo adava keren lafi bašo akava pučibe:
Adaleske so siem stvorime sprema e Devleskoro liko, so sikljovaja bašo Devel taro adava so šaj te sikava mangipe hem sočuvstvo?
NESAVE ŠAJ VAKERENA: „O biblisko izveštaj bašo stvoribe tano samo paramis“.
So mislinea tu bašo adava, hem soske?
SO SIKLILEM
O Jehova stvoringja o univerzum hem celo životo ki leste.
Sar ka odgovorine?
So sikavela i Biblija bašo adava sar ulo o univerzum?
Dali o Devel stvoringja o razna životna vrste ili mukhlja ola te evoluirinen taro ednostavno životno oblik?
Ko so razlikujnena pe o manuša taro javera stvorime bukja?
ISTRAŽIN
Dikh nesave primerija tari priroda so sikavena kaj postojnela Stvoriteli.
„Što učime od prirodata?“ (Razbudete se! taro septemvri 2006)
Dikh sar jekh dad objasninela o biblisko izveštaj bašo stvoribe ple tikne čhaveske.
Čitin dali i evolucija tani ko sklad e Biblijaja.
a Ki lekcija 25 ka dikha koja tani e Devleskiri namera e manušencar.