LEKCIJA 39
Sar dikhela o Devel ko rat?
O rat tano but važno, soske bizo leste našti te živina. Sar amaro Stvoriteli, e Devle isi le pravo te vakerel sar te koristinel pe o rat. Ki akaja lekcija ka sikljova so ov vakergja bašo rat. Dali šaj te ha rat ili te primina le preku transfuzija? Hem so ka pomožinel amenge te ana šukar odluke bašo rat?
1. Sar dikhela o Jehova ko rat?
O Jehova ple slugenge taro purano vreme vakergja: „O životo taro sekova telo tano leskoro rat“ (3. Mojseeva 17:14). Znači, e Jehovaske o rat pretstavinela o životo. Isto sar so o životo tano sveto, agjaar o rat da tano sveto.
2. So zabraningja o Devel bašo rat?
O Jehova ple slugenge taro purano vreme zapovedingja te na han rat. (Čitin 1. Mojseeva 9:4 hem 3. Mojseeva 17:10.) Ov povtoringja akaja zapoved keda e hristijanenge preku o vodečko telo dengja upatstvo: „Vozdržinen tumen... taro rat“. (Čitin Dela 15:28, 29.)
So značinela te vozdržine tut taro rat? Keda jekh doktori bi vakerela tuke te vozdržine tut taro alkohol, tegani tu na bi piea alkohol, neli? Ama, dali bi haja hajbe kote so isi alkohol ili dali bi priminea alkohol preku vene? Sigurno na! Ko slično način, e Devleskiri zapoved te vozdržina amen taro rat značinela te na pija rat ili te na ha mas kolestar so nane cedimo o rat. Isto agjaar, nane te ha hajbe kote soj čhivdo rat.
Ama, so šaj te vakera bašo koristibe o rat ko medicinska tretmanija? Nesave tretmanija jasno phagjena e Devleskoro zakoni. Na primer, adala tretmanija tane i transfuzija taro celo rat ili taro leskere glavna sostojke — o lole kletke, o parne kletke, o pločke hem i plazma. Tari javer strana, bašo nesave tretmanija nane doborom jasno dali phagela pe e Devleskoro zakoni bašo rat. Na primer, ko nesave tretmanija koristinena pe potikne sostojke kola so ikalena pe taro glavna sostojke e rateskere. Adala potikne sostojke vikinena pe frakcie. Isto agjaar, ko nesave tretmanija koristinela pe o rat e pacienteskoro. Keda kerela pe lafi bašo asavke tretmanija, sekova jekh amendar mora te anel lično odlukaa (Galatite 6:5).
DOZNAJN POVIŠE
Sikljov sar te ane odluke bašo medicinska tretmanija kote so koristinela pe o rat.
3. Ana odluke kola so ka keren bahtalo e Jehova
Sar šaj te ane odluke bašo medicinska tretmanija kola soj tane ko sklad e Devleskere voljaja? Dikh o VIDEOKLIPI, a palo adava keren lafi bašo akava pučibe. Soske tano važno te kere akala čekorija angleder te ane nesavi odluka?
Molin tut baši mudrost (Jakov 1:5).
Rode bibliska načelija hem razmislin sar šaj te primenine len (Izreki 13:16).
Doznajn kola medicinska tretmanija tane dostapna ko than kote so živinea.
Razmislin kola medicinska tretmanija sigurno nane te prifatine.
Ana odluka so ka del tut čisto sovest (Dela 24:16).b
Ma bistre kaj nikoj javer — ni tlo bračno partneri, jekh starešina ili okova so proučinela tuja, našti te anel odluka tuke ko than (Rimjanite 14:12).
Pišin tle odluke.
4. E Jehovaskere svedokija mangena te oven lečime ko najšukar način
Amen šaj ko isto vreme hem te ikera amen ko e Devleskoro zakoni bašo rat hem te dobina kvalitetno medicinsko tretmani bizo rat. Dikh o VIDEOKLIPI.
Čitin Tit 3:2, a palo adava keren lafi bašo akava pučibe:
Soske valjani sekogaš te sikava poštovanje hem te ova ljubezna keda keraja lafi e doktorencar?
Na prifatinaja |
Lično odluka |
|---|---|
1. Plazma |
Frakcie tari plazma |
2. Parne kletke |
Frakcie taro parne kletke |
3. Pločke |
Frakcie taro pločke |
4. Lole kletke |
Frakcie taro lole kletke |
5. Odluke bašo e rateskere frakcie
E rate isi le štar glavna sostojke — o lole kletke, o parne kletke, o pločke hem i plazma. Taro akala glavna sostojke šaj te ikalel pe potikne sostojke kola so vikinena pe e rateskere frakcie.c Nesave frakcie koristinena pe te šaj te keren pe iljačija protiv nesavo nasvalipe ili pomožinena te čhinavel pe o krvaribe.
Keda valjani te ana odluka dali ka primina e rateskere frakcie ili na, sekoj amendar valjani te anel lično odluka sprema pli biblisko školujmi sovest. Nesave šaj nane te mangen te prifatinen medicinska tretmanija ili postapke kote soj vklučime e rateskere frakcie. Tari javer strana, nesavenge šaj ka dozvolinel lengiri sovest te prifatinen asavke frakcie.
Keda anea asavke lična odluke, razmislin bašo akava pučibe:
Sar bi objasninava jekhe doktoreske soske odbinava ili prifatinava nesave rateskere frakcie?
NESAVE ŠAJ PUČENA: „Soske tumen na priminena rat?“
So ka vakere tu?
SO SIKLILEM
O Jehova mangela te dikha ko rat sar nešto sveto.
Sar ka odgovorine?
Soske e Jehovaske o rat tano sveto?
Kotar džanaja kaj e Devleskiri zapoved te vozdržina amen taro rat značinela hem te na primina transfuzija?
So šaj te pomožinel tuke te ane šukar odluke bašo medicinska tretmanija kote soj vklučimo o rat?
ISTRAŽIN
Bašo so valjani te razmisline angleder te ane odluke bašo nesave medicinska postapke kote so koristinela pe tlo rat?
„Prašanja od čitatelite“ (Stražarska kula taro 15 oktomvri 2000)
Bašo so valjani te razmisline angleder te ane odluka dali ka prifatine e rateskere frakcie ili na?
„Prašanja od čitatelite“ (Stražarska kula taro 15 juni 2004)
So pomožingja jekhe doktoreske te prifatinel e Devleskoro stavi bašo rat?
„Go prifativ Božjeto gledište za krvta“ (Razbudete se! taro 8 mart 2004)
a Dikh ki lekcija 35 e temaja „Sar šaj te ana šukar odluke?“
b Dikh ki točka 5, „Odluke bašo e rateskere frakcie“ hem 3 fusnota, „Medicinska tretmanija kote so koristinela pe o rat“.
c Nesave doktorija ko štar glavna sostojke e rateskere dikhena sar frakcie. Adaleske šaj kaj valjani te objasnine lenge tli odluka kaj na priminea transfuzija taro celo rat ili taro leskere štar glavna sostojke — o lole kletke, o parne kletke, o pločke ili i plazma.