Rimljanima

5 Odolese so sebepi amari vera hijam proglasime pravedna, te aćhova ko mir e Devleja prekalo amaro Gospod o Isus Hrist. 2 U stvari, sebepi i vera koro leste phravdo amenđe o drumo ando Devel te primina o bizaslužimo šukaripe, kova hem akana isi amen. Bahtale hijam sebepi i nada so ka primina e Devlesi slava. 3 Hem na samo odova, nego radujinaja amen hem ko pharipa, sose đanaja so o pharipe legari đi i istrajnost, 4 a i istrajnost đi e Devleso priznanje, a e Devleso priznanje dela amen nada, 5 a i nada na ka razočarini amen. Sose e Devleso mangipe pherđa amare vile prekalo sveti duh, kova tano amenđe dindo. 8 A o Devel mothovđa po mangipe premalo amende ađahar so o Hrist, đi pana hijam le grešnikija, mulo amenđe. 10 Sose ako e Devlese Ćhavese meribaja hijam le pomirime e Devleja đi pana hijam le olese dušmanija, kobor tek šaj te ova sigurna so ka ova spasime e Hristese životeja akana ked hijam pomirime. 11 Hem na samo odova, nego o Devel tano amari radost prekalo amaro Gospod o Isus Hrist, prekalo kova akana hijam pomirime e Devleja. 12 Sar so prekalo jekh manuš ko sveto khuvđa o greh hem prekalo greh o meribe, ađahar o meribe alo ko sa o manuša sose sare ulje grešna. 18 Odolese, sar so prekalo jekh greh sa o vrste ando manuša tane osudime ko meribe, isto ađahar prekalo jekh pravedno delo sa o vrste ando manuša šaj te oven proglasime sar pravedna hem te dobinen đivdipe. 19 Odolese so jekh manuš na hine poslušno, but manuša ulje grešnikija, ađahar sebepi so jekh hine poslušno, but manuša ka oven pravedna.