Propovednik

7 Pošukar tano o šukar anav nego o šukar ulje, hem o dive ked mereja tano pošukar nego o dive ked bijanđoveja. 2 Pošukar tano te đal pe ko ćher kuri tugujini pe palo okova so mulo nego ko ćher kaj tani i gozba, sose asavko kraj ađićeri svakone manuše. Okola soj tane đivde nek razmislinen odolestar. 7 Sose o pharipa šaj e mudro manuše te našalen andi godi, a o mito rumini o vilo. 8 Pošukar tano o krajo andi disavi buti nego o početko. Pošukar tano te ova strpljiva nego ohola. 9 Ma uvredin tut sigate, sose o diline sigate uvredinena pe. 10 Ma vaćer: „Sose o dive kola nakhlje hine pošukar ando akala?“, sose nane mudro odova te puće. 12 Sebepi so i mudrost arakhi amen, ama hem o pare arakhena amen. Ama, o đandipe hem i mudrost tane pošukar sose on arakhena e manušeso životi. 16 Ma ov but pravedno, niti but mudro. Sose kokri tut te upropastine? 17 Ma ov but lošno, hem ma ov but dilino. Sose te mere angleder te avel to dive? 18 Šukar tano te šune hem jekh hem aver savet, sose ko darala ando Devel, šunela o solduj. 20 Nane ki phuv pravedno manuš kova ćerela samo šukar hem niked na grešini. 21 Ma le but ozbiljno svako lafi kova o manuša phenena, te na šune te sluga sar vaćeri lošno tutar. 22 Sose to vilo šukar đanela so hem tu but putija lošno vaćerđan averendar.