1. Petrova

2 Sar so o ćhavore kola tek bijandilje mangena te pijen thud, ađahar hem tumen barjaćeren tumari želja aso čisto thud ando Devleso lafi, te šaj te barjon đi parvarena tumen oleja hem ko krajo te oven spasime, 9 Ama, tumen hijen birimo pleme, kraljija kola tane sveštenikija, sveto nacija, narodo kas o Devel birinđa, te objavinen e Devleso šukaripe, kova andi tama vićinđa tumen ki pi čudesno svetlost. 10 Sose angleder na hijen le narodo, a akana hijen e Devleso narodo. Angleder na hine tumenđe mothovdi milost, a akana tani tumenđe mothovdi milost. 12 Živinen primerno maškar o manuša ko sveto te šaj on, iako optužinena tumen so ćerena lošnipe, te dikhen tumare šukar delija hem sebepi odova te slavinen e Devle ko dive ked ka avel te dikhel save tane o delija kola ćerena pe. 13 Sebepi o Gospod oven podložna svakonese kova tano ki vlast: bilo e kraljese sose tano ko pobaro than 14 bilo okolenđe kolen ov bićhali te kazninen e lošnonen, a te pohvalinen okolen kola ćerena odova soj tano šukar. 17 Poštujinen sa o vrste ando manuša, mangen sa e phralen, daran ando Devel, poštujinen e kralje. 18 O sluge nek oven podložna pe gospodarenđe hem ađahar sar soj tane dužna nek poštujinen len, hem na samo okolenđe kola tane šukar hem razumna nego hem okolenđe kase tano pharo te ugodini pe. 20 Isi li diso šukar ako neko marela tumen sose ćerđen diso lošno? Ama ako patinena sebepi so ćerena odova soj tano šukar hem ako ko sa odova hijen istrajna, tegani o Devel ka ovel zadovoljno. 21 A ko odova hem hijen vićime, sose o Hrist patinđa sebepi tumaro hem aćhavđa tumenđe primer, sar ko sa te đan palo olese korakija. 22 Ov na ćerđa nijekh greh, nijekh hovavno lafi na ikljilo ando oleso muj. 23 Ked vređinđe le, na irinđa lenđe. Ked patinđa, na pretinđa, nego uzdajinđa pe upro okova kova pravedno sudini. 24 Ov ko po telo lelja amare grehija ko stub, te bi ćhinavaja te grešina hem te bi živinaja asi pravednost. „Prekalo olese rane hijam saćarde.“