Filipljanima

7 Isi man pravo te mislinav tumendar ađahar, sose tumen hijen ko mo vilo, sare tumen kase o Devel, sar hem maje, mothovi po bizaslužimo šukaripe, hem kola pomožinena man hem akana ked hijum ko phanlipe hem ked valjani te braninav i šukar vest anglo vladarija. 8 Sose o Devel đanela kobor sarine tumen manđe nedostajinena hem so mangava tumen mangipaja kova isi le o Hrist Isus. 9 Hem molinava man tumaro mangipe te ovel sa pobaro hem pobaro hem pana pošukar te penđaren e Devlesi volja hem te ovel tumen pana pobari razboritost, 10 hem aso odova uvek te ćeren o buća kola tane ćaće važna, te šaj te oven čista hem te na peraven averen andi vera sa đi e Hristeso dive. 11 Molinava man hem, uzi pomoć ando Isus Hrist, te oven pherde plodoja andi pravednost, ki e Devlesi slava hem hvala. 12 A mangava te đanen, phraljalen, so akava so desini pe maje ustvari anđa đi odova te širini pe i šukar vest, 13 ađahar celo carsko straža hem sa avera šukar đanena so hijum phanlo sebepi mi vera ko Hrist. 14 A but phralja ko Gospod ulje pozorale sebepi so hijum phanlo, pa akana, pana pohrabro, bizi dar, vaćerena ando e Devleso lafi. 27 Samo živinen dostojno andi šukar vest ando Hrist, te bi – bilo te avav hem te dikhav tumen, bilo te na avav – šunava so hijen zorale hem so mislinena sar jekh, so zajedno borinena tumen te arakhen tumari vera ki šukar vest.