Luka
12 Odole divende đelo ki gora te molini pe hem celo rat molinđa pe e Devlese. 22 Bahtale hijen ked o manuša mrzinena tumen hem ked odbacinena tumen hem marena tumenđe muj hem optužinena tumen so hijen lošna sebepi o manušikano Ćhavo. 27 „Ama tumenđe kola šunena man phenava: Mangen tumare dušmanen, ćeren okova soj tano šukar okolenđe kola mrzinena tumen, 28 blagoslovinen okolen kola dena tumen armanja, molinen tumen okolenđe kola vređinena tumen. 31 „Sar so mangena o manuša te ćeren tumenđe, ađahar ćeren hem tumen olenđe. 35 Nego mangen tumare dušmanen, ćeren šukaripe hem den averenđe hem ništa ma ađićeren, tegani tumari nagrada ka ovel bari hem ka oven o ćhave ando Najbaro Devel, sose ov tano šukar hem premalo okola so nane zahvalna hem premalo okola soj tane lošna. 36 Oven milosrdna, sar soj tano milosrdno tumaro Dad. 38 Den, hem ka del pe tumenđe. Ka ćhorel pe tumenđe ki angalja šukar mera, gletimi, tresimi hem pherdi. Kobor ka den, odobor ka irini pe tumenđe.“ 45 O šukar manuš vaćeri šukar buća sose ko vilo isi le šukar buća, a o lošno manuš vaćeri lošna buća odolese so ko vilo isi le lošna buća, sose o muj vaćeri odova soj tano o vilo pherdo. 47 Ka phenav tumenđe kasa šaj te uporedini pe svako ko avela koro mande hem šunela me lafija hem ićeri len: