Postanak
3 O sap hine najoprezno kotar sa o divlja životinje kolen ćerđa o Devel, o Jehova. Odolese phenđa e đuvljaće: „Da li o Devel ćaće phenđa so na isminena te han kotar svako kaš ko vrt?“ 2 A i đuvli odgovorinđa e sapese: „Šaj te ha o plodija kotar kašta ko vrt. 3 Ama aso plod kova tano ko maškar ko vrt, o Devel phenđa: ’Ma han olestar hem ma pipinen le te na meren.‘ “ 4 Ko odova o sap phenđa e đuvljaće: „Na, sigurno na ka meren. 5 Sose o Devel đanela so odova dive ked ka han olestar ka phravđon tumare jaćha hem so ka oven sar o Devel, ka đanen soj tano šukar, a soj tano lošno.“ 6 Tegani i đuvli dikhlja so o plod kotar kaš hine šukar hajbase, soj tano primamljivo hem soj tano šužo. Odolese, oj lelja o plod hem halja le. Palo odova, oj dinđa pe romese, ked hine olaja, hem ov halja. 7 Tegani phravdilje olenge jaćha hem haljilje soj tane nange. 14 Palo odova, o Jehova o Devel phenđa e sapese: „Odolese so odova ćerđan, ka ove prokleto maškaro sa o domaća životinje hem maškaro sa o divlja životinje. Ko vođi ka lazine hem ka ha prašina celo životi. 15 Ka ćhivav neprijateljstvo maškaro tute hem i đuvli hem maškaro to potomstvo hem olako potomstvo. Ov ka zdrobini to šero, a tu ka ranine le ki patum. 19 Ando to znoj ka ha maro đi na irineja tut ki phuv, kolatar hem hijan stvorimo. Sose praho hijan hem ko praho ka irine tut. 22 Palo odova o Jehova o Devel phenđa: „Aće, o manuš ulo sar jekh amendar ko odova te đanel soj tano šukar, a soj tano lošno. A akana te ne bi pružini po vas hem ljela o plod hem kotar kaš ando životi, hala le hem živini večno...“ 23 Tegani o Jehova o Devel uspudinđa le kotar edensko vrt, te hanel i phuv kolatar hine hem stvorimo. 24 Ađahar ov uspudinđa e manuše hem ki istočno strana ando edensko vrt ćhivđa duj heruvimija hem jagalo mač kova stalno irinđa pe, te bi arakhena o drumo premalo kaš ando đivdipe.