Matej

5 o korore dikhena, o sakatija phirena, o gubava čistinena pe, o kašuke šunena, o mulje uštena hem e ćororenđe vaćeri pe i šukar vest. 6 Bahtalo tano okova kova sebepi moklo na perela andi vera. 7 Ked on đelje, o Isus počminđa te vaćeri e manušenđe ando Jovan: „So mangljen te dikhen ked đeljen ki pustinja? I trska koja i bavlal nišini? 8 So mangljen te dikhen? E manuše kova tano uravdo ko skupa šeja? Okola so akharena skupa šeja živinena ko kraljevska dvorija. 9 Tegani, sose đeljen uduri? Te dikhen e proroko? Ja, phenava tumenđe, o Jovan tano proroko hem čak pobaro ando avera prorokija. 10 Olestar hine pisimo: ’Aće, bićhalava me glasniko anglo tute hem ov ka pripremini tuće o drumo!‘ 11 Ćaće, phenava tumenđe, maškaro manuša na pojavisalo niko koj tano pobaro ando Jovan Krstitelj, ama hem o najtikno ko nebesko Kraljevstvo, pobaro tano olestar. 18 Sose alo o Jovan kova ni halja ni pilja, a ipak vaćeri pe: ’O demoni tano ano leste.‘ 19 Alo o manušikano Ćhavo, kova hala hem pijela, a palem vaćeri pe: ’Dikh e halane hem e pijanica, e amale kotar o poreznikija hem o grešnikija.‘ Ama, i mudrost opravdinena olake delija. 25 Ko odova vreme o Isus phenđa: „Slavinava tut, mo Dad, kova hijan Gospodari ko nebo hem ki phuv, sose akava garavđan ando mudra hem gođale, a mothovđan okolenđe kola tane sar tikne ćhave. 26 Ja, mo Dad, sose odova hine ti volja. 28 Aven koro mande sare kola hijen umorna hem opteretime, hem me ka zorjaćerav tumen. 29 Len mo jaram upro tumende hem sikljoven mandar, sose me hijum blago hem ponizno ko vilo, hem ka ovel tumen nevi snaga. 30 Sose mo jaram tano lokho hem mo pharipe šaj lokho te akharen.“