1. Korinćanima

10 Phraljalen, mangava te đanen so sa amare paradada hine talo oblako hem so nakhlje kotar more 2 hem so sare krstinđe pe ađahar so đelje palo Mojsije ked talo oblako nakhlje kotar more. 6 A odova so ulo valjani te ovel amenđe aso primer, te na ovel amen želja te ćera odova soj tano lošno, sar so on manglje. 7 Ma služinen e hovavne devlenđe, sar so disave ćerđe, sar soj tano pisimo: „O narodo bešlja te hal hem te pijel. Palo odova uštinđe te veselinen pe.“ 11 A sa odova so desinđa pe olenđe tano sar primer amenđe hem pisimo tano sar upozorenje amenđe, kola živinaja ko krajo akale svetoso. 12 Odolese, ko mislini so terđola, nek pazini te na perel. 13 Na desinđa pe tumenđe nijekh aver iskušenje kova na ulo avere manušenđe. Ama o Devel tano verno, hem na ka mukhel te oven iskušime pobuter odolestar so šaj te izdržinen, nego ka pomožini tumen ked ka avel o iskušenje, te šaj te izdržinen. 14 Odolese, me mangle, našen ando idolopoklonstvo. 21 Našti te pijen andi e Jehovasi čaša hem andi e demonengi čaša. Našti te han ando „e Jehovaso astali“ hem ando e demonengo astali. 23 Sa tano dozvolimo, ama nane sa korisno. Sa tano dozvolimo, ama na zorjaćeri amen sa. 24 Niko te na dikhel samo olese te ovel šukar, nego hem averenđe te ovel šukar. 25 Sa o mas kova biknela pe ko pazari han hem na valjani ništa te ispitinen sebepi tumari savest. 26 Sose „e Jehovase pripadini i phuv hem sa so isi upro late“. 31 Znači, bilo te han, bilo te pijen, bilo diso aver te ćeren, sa ćeren e Devlese ki slava. 32 Sebepi tumaro ma te spotakninen pe ni o Judejcija ni o Grcija ni e Devlesi skupština, 33 sar so hem me dava sa mandar sarinenđe te ovel šukar, na dikhava samo maje te ovel šukar, nego dikhava bute manušenđe te ovel šukar te šaj te spasinen pe.