Jevrejima

13 O phralikano mangipe hem ponodri nek ovel maškaro tumende. 2 Ma bistren i gostoljubivost, sose disave sebepi olako, bizo te đanen, ugostinđe e anđelen. 3 Mislinen upro okola soj tane ko zatvor ka phene hijen olencar phanle, hem upro okola kola tane maltretirime, sose hem kokri hijen pana ko telo. 4 Sare nek poštujinen o brak hem o rom hem i romni nek oven verna jekh jekhese sose o Devel ka sudini okolenđe so ćerena blud hem preljuba. 5 Ko tumaro životi ma te ovel mangipe premalo pare, nego oven zadovoljna odoleja so isi tumen. Sose o Devel phenđa: „Niked na ka aćhavav tut hem niked na ka irinav tuće mo dumo.“ 6 Odolese šaj hrabro te phena: „O Jehova tano mo pomoćniko, na ka darav. So šaj te ćerel maje o manuš?“ 7 Ma bistren okolen kola predvodinena maškaro tumende, kola vaćerđe tumenđe e Devleso lafi. Posmatrinen olengo ponašibe te šaj te sikljon olendar hem oponašinen olengi vera. 9 Ma mukhen te prevarinen tumen razna tuđa sikljoviba. Sose pošukar tano te zorjaćere to vilo e Devlese bizaslužime šukaripaja nego hajbaja. Okola so obratinena but pažnja ko habe nane len korist ando odova. 14 Sose akate nane amen diz koja ka aćhol, nego jedva ađićeraja okija koja ka avel. 15 Odolese prekalo Isus uvek daja e Devlese i žrtva andi hvala, avere lafencar o plod ando muj kova objavini oleso anav. 16 Hem ma bistren te ćeren šukaripe hem te delinen averencar odova so isi tumen, odolese so asavke žrtvencar ugodini pe e Devlese. 17 Oven poslušna okolenđe kola predvodinena maškaro tumende hem oven podložna olenđe, sose on uvek brininena pe tumenđe sar okola kola ka odgovorinen aso odova, te šaj te ćeren odova radosno, a na pharipaja sose odova bi ovela tumenđe ki šteta. 18 Molinen tumen amenđe, sose hijam uverime so isi amen čisto savest hem mangaja ko sa o buća te ova poštena. 20 A o Devel ando mir, kova vazdinđa ando mule e bare pastire, amare Gospode e Isuse, kova prinesinđa o rat ando večno savez,