Poslovice

3 Mo ćhavo, ma bistri so sikavava tut hem celone vileja ićer tut ko me zapovestija, 3 Niked ma ćhinav te mothove mangipe hem vernost. Phan len tuće ki men, ćhiv len ko to vilo. 4 Tegani hem o Devel hem o manuša ka mangen tut hem ka ove penđarutno sar razborito manuš. 5 Uzdajin tut upro Jehova celone vileja, a ki ti godi ma oslonin tut. 6 Ko sa te drumija ićer le ki ti godi, hem ov ka ispravini te staze. 7 Ma mislin kokri tutar so hijan mudro, nek ovel tut dar ando Jehova hem cide tut kotar lošnipe. 9 Mothov čast e Jehovase odoleja so isi tut hem de le o najšukar kotar odova so isi tut. 12 odolese kas o Jehova mangela, ole hem ukorini, sar o dad pe mangle ćhave. 13 Bahtalo tano o manuš kova arakhi i mudrost hem o manuš kova tano razborito, 14 sose pošukar tano te ovel tut mudrost nego te ovel tut srebro, oj tani pobaro dobitak hem ando zlato. 15 Povredno tani ando draguljija, hem ništa so bi mangeja našti te uporedini pe olaja. 16 O dugo životi tano ko olako desno vas, a ko levo vas tano o barvalipe hem i čast. 17 Zadovoljstvo tano te đa olake drumoja hem sa olake staze tane pherde mir. 18 Oj tani kaš ando životi okolenđe kola prihvatinena la. Okola kola zorale ićerena pe upro late ka oven bahtale. 21 Mo ćhavo, nek ovel tuće odova uvek anglo jaćha. Arakh i mudrost hem i sposobnost te razmisline. 25 Na ka dara andi nisavi nevolja, ni andi propast koja avela upro lošna. 27 Ma ćhinav te ćere šukaripe okolenđe kase valjani, ako šaj te pomožine len. 32 Sose e Jehovase tano gadno o lošno manuš, a amal tano okolencar kola isi len iskreno vilo.