Jovan

5 Me hijum o čokot, a tumen hijen o loze. Ko aćhola ko jekhipe mancar hem me ko jekhipe oleja, ov anela but plodija. Ništa našti te ćeren ako hijen ulavde mandar. 10 Ako ićerena tumen ko me zapovestija, ka aćhon ko mo mangipe, sar so me ićerđum man ko me Dadese zapovestija hem aćhovava ko oleso mangipe. 12 Akija tani mi zapovest: Mangen jekh jekhe sar so me mangljum tumen! 13 Nane pobaro mangipe ando odova nego ked neko dela po životi pe amalenđe. 14 Tumen hijen me amala ako ćerena odova so zapovedinđum tumenđe. 15 Više na vićinava tumen robija, odolese so o rob na đanela so ćerela oleso gospodari. Vićinava tumen me amala, odolese so phenđum tumenđe sa so šunđum kotar mo Dad. 17 „Akava zapovedinava tumenđe: Mangen jekh jekhe. 18 Ako o sveto mrzini tumen, đanen so man mrzinđa angleder tumende. 19 Ked bi ovena deo ando akava sveto, o sveto bi mangela tumen sose bi ovena olese. Ama tumen na hijen deo ando akava sveto, odolese so me izdvojinđum tumen ando sveto. Odolese o sveto mrzini tumen. 20 Nek ovel tumen ki godi okova so phenđum tumenđe: ’O robo nane pobaro ando po gospodari.‘ Ako progoninđe man, ka progoninen hem tumen, ako ićerđe pe ko me lafija, ka ićeren pe hem ko tumare. 24 Te na ćerav hine maškaro lende o delija kola niko aver na ćerđa, na bi ovena kriva aso greh. Ama on dikhlje man, a ipak zamrzinđe hem man hem me Dade. 25 Ama ađahar ispuninđe pe o lafija kola hine pisime ko olengo Zakon: ’Mrzinđe man bizo razlog.‘