Luka
10 Palo odova, o Gospod odredinđa pana 70 učenikija hem bićhalđa len po duj ki svako diz hem ko svako than kuri hem ov kokri manglja te đal. 2 Hem phenđa lenđe: „I žetva tani bari, ama radnikija isi hari. Odolese, molinen e Gospodare andi žetva te bićhali radnikonen ki pi žetva. 6 Hem ako odothe ovela manuš kova mangela o mir, tumaro mir ka aćhol upro leste. A ako nane, ka irini pe tumenđe. 7 Odolese aćhoven ko odova ćher hem han hem pijen sa so ćhivela pe anglo tumende, sose o radniko zaslužini pi plata. Ma đan kotar jekh ćher ko aver. 17 Palo odova o 70 učenikija irinđe pe bahtale hem phenđe: „Gospode, čak hem o demonija šunena amen ked koristinaja to anav.“ 20 Ama ma radujinen tumen sose o demonija šunena tumen, nego radujinen tumen sose tumaro anav tano pisimo ko nebo. 21 Ko odova momenti o Devel dinđa e Isusese po sveti duh, ov but radujinđa pe hem phenđa: „Slavinava tut, mo Dad, Gospodare ando nebo hem andi phuv, sose garavđan odova ando mudra hem đande manuša, a mothovđan odova okolenđe kola tane sar tikne ćhave. Ja, mo Dad, sose tu mangljan ađahar te ovel.“ 22 Sa dinđa man mo Dad. Niko na đanela koj tano o Ćhavo, osim o Dad, hem niko na đanela koj tano o Dad, osim o Ćhavo hem okova kase o Ćhavo mangela te mothovi o ćaćipe ando Dad.“ 25 Jekh manuš kova šukar penđarđa o Zakon, manglja te iskušini le hem pućlja le: „Učitelju, so valjani te ćerav te šaj te dobinav o večno životi?“ 26 Ov phenđa lese: „So pisini ko Zakon? So uduri čitinđan?“ 27 O manuš phenđa lese: „’Mang e Jehova, te Devle, celone vileja, celona dušaja, celona snagaja hem celona gođaja‘ hem mang te pašutne sar kokri tut‘.“ 28 O Isus phenđa lese: „Tačno odgovorinđan. Ćer odova hem ka dobine o životi.“ 29 A o manuš manglja te mothovi pe soj tano pravedno hem pućlja le: „A koj tano mo pašutno?“ 33 Ama, ked jekh Samarićanin nakhlja ko odova drumo, ov alo đi oleste hem dikhlja lje, sažalinđa pe upro leste 37 Ov odgovorinđa: „Okova kova sažalinđa pe upro leste.“ Tegani o Isus phenđa: „Đa hem tu ćer ađahar.“