Propovednik

5 Pazin ko te korakija ked đaja ko ćher ando ćaćutno Devel. Pošukar tano te đa uduri te šune, a na te de i žrtva sar so odova ćerena e bigođake manuša, sose on na đanena soj tano lošno odova so ćerena. 2 Ma siđar te phene diso hem razmislin angleder so ka phene e Devlese soj tano ko to vilo, sose o ćaćutno Devel tano ko nebo, a tu hijan ki phuv. Odolese ma vaćer pobuter nego so valjani. 4 Ked deja zavet e Devlese, ma ov ko duj gođa da li te ispunine le, sose ov na mangela okolen kola tane bigođake. Ispunin odova so obećinđan. 5 Pošukar tano te na de to lafi, nego te de to lafi hem te na ispunine le. 6 Ma mukh ti ćhib te ćhivel tut ko greh hem ma phen anglo anđeo so grešinđan ked dinđan zavet. Sose o ćaćutno Devel te holjani sebepi odova so phenđan hem te uništini okova so ćerđan? 8 Ako dikheja so neko ko isi le vlast ki ti phuv lošno ponašini pe premalo ćorore, so ko sudo uskratini lenđe i pravda hem nepravedno postupini premalo lende, ma čudin tut odolese. Sose okole so ađahar postupini dikhela neko ko isi le pobari vlast olestar, a isi hem okola so isi len pana pobari vlast olendar. 18 Dikhljum soj tano šukar ked o manuš hala hem pijela hem ked uživini ki buti koja ćerela pe vastencar talo kham đi trajini oleso kratko životi kova dinđa le o pravo Devel, sose odova tano olese sar nagrada. 19 Hem ked o ćaćutno Devel dela e manušese barvalipe hem but materijalna buća, hem dela le te uživini ko odova, ov valjani te lel pi nagrada hem te radujini pe ko plodija andi pi buti. Odova tano poklon ando Devel. 20 O dive ando manušeso životi ka nakhen hem ov ni na ka razmislini odolestar, sose o ćaćutno Devel pherela oleso vilo bahtalipaja.