Postanak
1 Ko početko, o Devel stvorinđa o nebo hem i phuv. 3 Hem o Devel phenđa: „Nek ovel svetlost.“ Hem ulji svetlost. 10 Okova deo kova hine šuko, o Devel vićinđa phuv, a o ćedime panja vićinđa more. Hem o Devel dikhlja soj tano odova šukar. 12 Tegani andi phuv počminđe te barjon i ćar, o biljke kola dena o seme hem o kašta kola bijanena o plod ko kola tano o seme premalo olenge vrste. Hem o Devel dikhlja soj tano odova šukar. 20 Palo odova o Devel phenđa: „Ko panja nek oven pherdo đivde stvorenja, hem o životinje kola letinena nek letinen upri phuv upre ko nebo.“ 21 Tegani, o Devel stvorinđa bare morska životinje hem sa o tikne stvorenja kola živinena ko pani, ko bare grupe premalo pe vrste hem sa o stvorenja kola isi len phakha premalo olenge vrste. Hem o Devel dikhlja so odova tano šukar. 24 Palo odova o Devel phenđa: „Nek ki phuv pojavinen pe đivde stvorenja premalo olenge vrste: domaća životinje, životinje kola lazinena hem divlja životinje premalo olenge vrste.“ Hem ađahar ulo. 25 O Devel stvorinđa o divlja životinje premalo olenge vrste, o domaća životinje premalo olenge vrste hem sa o životinje kola lazinena premalo olenge vrste. Hem o Devel dikhlja so odova tano šukar. 26 Palo odova o Devel phenđa: „Te ćera e manuše premali amari slika te ovel slično sar amende, hem nek vladini upro morska maćhe, upro stvorenja kola letinena ko nebo, upro domaća životinje, upri celo phuv hem upro sa o životinje kola lazinena ki phuv.“ 27 Tegani o Devel stvorinđa e manuše premali pi slika, stvorinđa le premali e Devlesi slika – stvorinđa e murše hem e đuvlja. 28 Palo odova, o Devel blagoslovinđa len hem phenđa lenđe: „Nek ovel tumen but ćhave hem tumendar nek oven but manuša, pheren i phuv hem vladinen upro late, upro maćhe kola tane ko pani hem upro stvorenja kola letinena ko nebo hem upro sa o stvorenja kola lazinena ki phuv.“ 31 Palo odova, o Devel dikhlja sa so stvorinđa hem hine but šukar. Hem hine rat hem hine sabaj – šovto dive.