Poslovice

9 I ćaćutni mudrost ćerđa pese ćher, ćerđa efta stubija. 2 Spreminđa but mas, ćhivđa začinija ko vino hem ćhivđa odova upro astali. 3 Bićhalđa pe sluškinjen te vićinen kotar najuće thana ki diz: 4 „Koj tano neiskusno, nek avel akari!“ A okolese kova tano nerazumno phenela: 5 „Ava, ha o maro kova pripreminđum hem pi o vino ko kova ćhivđum začinija. 6 Cide tut ando neiskusna manuša hem ka živine. Đa ko drumo andi razboritost. 7 Ko dela savet okolese kova marela muj, ka lađaćeri kokri pes, hem ko ispravini e lošno manuše, na ka nakhel šukar. 8 Ma ispravin okole so marela muj, sose ka mrzini tut. Ispravin e mudro manuše hem ka mangel tut. 9 Sikav okole soj tano mudro, hem ka ovel pana pomudro. Sikav okole soj tano pravedno, hem ka đanel pana pobuter. 10 O strahopoštovanje premalo Jehova tano prvo so e manušese valjani te šaj te ovel le mudrost, a o đandipe ando Najsveto legari đi i razboritost. 12 Ako hijan mudro, te šukaripase hijan mudro, ama ako mareja muj, kokri ka akhare to pharipe. 13 E bigođale romnja niko našti te aćhavi, nerazumno tani hem ništa na đanela. 14 Bešela anglo pe udara, ki stolica, ko uće thana ki diz 15 hem vićini okolen so nakhena, okolen kola đana pravo pe drumoja: 16 „Koj tano neiskusno, nek irini akate!“ A aso nerazumna phenela: 17 „O ćordane panja tane gudle hem ukusno tano o maro kova hala pe ćorjale.“ 18 Ama on na đanena so uduri tane o mule, so olake gostija tane hor ko grobo.