O Isus čistini o hram

Ko nilaj 30. berš, o Isus đelo ko Jerusalim. But manuša alje ki akija diz te slavinen i Pasha. Ko akava prazniko, on dinđe životinjska žrtve ko hram. Disave anđe peja životinje, a disave ćinđe len ko Jerusalim.

Ked o Isus khuvđa ko hram, dikhlja sar disave manuša biknena e životinjen. On manglje te barvaljon ko Jehovaso ćher kuri o manuša alje te služinen lese. Sar o Isus reagujinđa? Ov ćerđa pese bič ando šele hem paldinđa e bakren hem e guruven ando hram. Irinđa o astalija okolenđe so meninena o pare hem fordinđa olenge pare ki phuv. Okolenđe kola bikinđe golubija, o Isus phenđa: „Ciden odova akatar! Me Dadeso ćher nane than kaj valjani te biknel pe!“

O manuša ko hram hine iznenadime odoleja so ćerđa o Isus. Olese učenikija setinđe pe so ko jekh proročanstvo ando Mesija hine pisimo so but ka mangel e Jehovaso ćher.

Palo nekobor berša, ko 33. berš, o Isus dujto puti paldinđa e trgovcen ando hram. Ov naštine te dikhel ked o manuša mothovena so na poštujinena olese Dadeso ćher.