Uvod ko 8. deo

O Jehova dinđa e Solomonese mudrost hem čast te ćerel o hram, ama ov hari pohari cidinđa pe ando Jehova. Ako isi tut ćhave, objasnin lenđe sar disave kola služinđe e hovavne devlenđe ćhivđe e Solomone te cidel pe ando Jehova. O izraelsko kraljevstvo hine podelimo hem o lošna kraljija ćhivđe e narodo te služini e hovavne devlenđe. Ko odova vreme, but e Jehovase verna prorokija hine progonime hem mudarde. I kraljica Jezavelja ćerđa o manuša kotar severno kraljevstvo pana pobuter te služinen e idolenđe. Tegani e Izraelcenđe hine but pharo. Ama, hem tegani hine manuša kola aćhilje verna e Jehovase, sar soj tane o kralj Josafat hem o prorok Ilija.