ONLAJN BIBLIOTEKA Watchtower
ONLAJN BIBLIOTEKA
Watchtower
Romane (Srbija)
  • BIBLIJA
  • PUBLIKACIJE
  • SASTANKIJA
  • lfb priča 43 str. 104
  • O greh kova ćerđa o David

O video-sadržaj nane dostupno.

Žao amendže, alo dži ki greška dži phravdža pe o video.

  • O greh kova ćerđa o David
  • Sikljov kotar priče andi Biblija
Sikljov kotar priče andi Biblija
lfb priča 43 str. 104
O prorok Natan ukorini e Davide

43. PRIČA

O greh kova ćerđa o David

Ked o Saul mulo, o David ulo kralj. Tegani hine le 30 berš. Nakhlje nekobor berša sar ulo kralj. Jekh dive, ikljilo ko krov andi pi palata hem odothar dikhlja jekha šuže romnja. O David šunđa so olako anav tano Vitsaveja hem soj tani romni ando jekh vojniko kova vićini pe Urija. O David phenđa te anen la ki palata. Ov suća olaja hem oj aćhilji khamni. O David manglja te garavi odova so ćerđa. Odolese phenđa e zapovednikose andi pi vojska te ćhivel e Urija ko prva redija ko maribe hem palo odova sarine te ciden pe olestar hem te mukhen le kokri. Ađahar o Urija mulo ko maribe, a o David ženinđa pe e Vitsavejaja.

O kralj David molini pe aso oproštaj

Ama, o Jehova dikhlja sa so ulo. So o Jehova ćerđa? Ov bićhalđa pe proroko, e Natane, ko David. O Natan vaćerđa lese jekh priča: „Jekh barvalo manuš hine le but bakre, a jekh ćororo manuš hine le samo jekh bakro kas but manglja. Ama, o barvalo manuš lelja e ćororese bakre.“ O David holjanđa hem phenđa: „Odova barvalo manuš valjani te merel!“ Tegani o Natan phenđa e Davidese: „Tu hijan odova barvalo manuš!“ Ked o David odova šunđa, hine lese but pharo hem odolese phenđa e Natanese: „Grešinđum e Jehovase.“ Sebepi odova greh, o David hem olesi porodica hine len but problemija. O Jehova kazninđa le, ama mukhlja le te živini sose hine iskreno hem ponizno.

Kasnije, o David manglja te ćerel o hram e Jehovase, ama o Jehova birinđa olese ćhave, e Solomone, te ćerel odova. O David počminđa te spremini o materijali te šaj o Solomon te ćerel o hram. O David phenđa: „E Jehovaso hram mora te ovel but šužo. O Solomon tano pana terno, ama me ka pomožinav lese hem ka spreminav sa so valjani.“ O David dinđa but pare, arakhlja šukar majstorija, ćedinđa but zlato, srebro hem anđa kedar kotar Tir hem kotar Sidon. Angleder te merel, ov dinđa e Solomonese o plan sar te ćerel o hram hem phenđa lese: „O Jehova phenđa maje te pisinav akala buća hem te dav len tuće. Ma dara, o Jehova ka pomožini tut. Ov hrabro hem počmin te ćere o hram.“

O David vaćeri e terne Solomoneja sar te ćerel pe o hram

„Ko garavi pe grehija na ka ovel le uspeh, a ko priznajini len hem mukhela len, ka mothovi pe lese milosrđe“ (Poslovice 28:13)

Pućiba: Kova greh ćerđa o David? So ćerđa o David te šaj te pomožini pe ćhavese, e Solomonese?

2. Samuilova 5:3, 4, 10; 7:1-16; 8:1-14; 11:1 – 12:14; 1. Letopisa 22:1-19; 28:11-21; Psalam 51:1-19

    Publikacije ki romani čhib (2016-2025)
    Odjava
    Prijava
    • Romane (Srbija)
    • Bićhal
    • Podešavanja
    • Copyright © 2025 Watch Tower Bible and Tract Society of Pennsylvania
    • Pravilija ando korišćenje
    • Pravilija ando lična podatkija
    • Pravilija andi privatnost
    • JW.ORG
    • Prijava
    Bićhal