10. Brak – poklon ando Devel

1. O BRAK TANO BLAGOSLOV ANDO JEHOVA

„Trin šelje phanlje ko jekh na čhindžona lokheste“ (Propovednik 4:12).

Sose o manuša khuvena ko brako?

Postanak 2:18; Psalam 127:3; Poslovice 5:18; Propovednik 4:9, 10

Ked hijan ko brak, tegani isi tut šukar amal hem podrška. Ko brak šaj šukar te barjačeren tumare čhaven.

„Ka sikavav tut kolje drumoja valjani te dža“ (Psalam 32:8).

Ked mangaja te khuva ko brako, sostar valjani te razmislina?

1. Korinćanima 7:39; 2. Korinćanima 6:14

Mudro tano te khuva ko brako nekasa kase o Jehova tano ko prvo than ko dživdipe.
1. Korinćanima 7:36

Najšukar vreme te khuva ko brako tano ked o seksualna želje koro amende nane više odobor zoralje.
1. Korinćanima 7:28

Ma mislin so ko brako tano sa šukar. Svako brako isi lje pe problemija.

„Nane šukar o manuš te ovel kokri. Ka čerav ljese jekh pomoćnica te pomožini lje“ (Postanak 2:18).

So o Jehova očekujini kotar o rom hem i romni?

Efešanima 5:23; 1. Timoteju 3:1-7; 5:8

O rom brinini pe kotar duhovna, materijalna hem emotivna potrebe andi pi porodica. Ov tano okova kova sikavi hem vaspitini e čhaven.
Poslovice 31:10-31; Rimljanima 7:2

I romni tani šukar amal pe romese. Oj podržini oljese odluke hem brinini pe peklje čherestar. Pomožini pe romese te sikaven pe čhaven.
Efešanima 5:33; Filipljanima 2:4

O rom valjani te brinini pe da li oljesi romni tani bahtalji, a i romni valjani te brinini pe da li olako rom tano bahtalo.

„Ka oven jekh telo“ (Postanak 2:24).

Sar šaj tumaro brako te ačhol zoralo?

Poslovice 3:5, 6; Matej 19:6

E Jehovasi namera hine o brako zauvek te trajini. Odoljese ov dela amen najšukar savetija aso brak.
Psalam 130:3; Kološanima 3:13

Amen valjani strpljivo te podnosina jekh jekhese mane. Valjani te oprostina jekh jekhese hem te roda odova soj tano šukar ko amaro bračno drug.