11. Palo venčanje

1. AMARO BRAK ŠAJ TE ANEL ČAST E JEHOVASE

„O mangipe niked na čhinavdžola“ (1. Korinćanima 13:8).

So šaj te pomožini amen te rešina o problemija ko brak?

Propovednik 5:4; Matej 19:4-6

Svako brak ka ovel lje problemija. Ama, ma vazde te vasta sigate ando toklo brak.
Psalam 25:4; Isaija 48:17, 18; Matej 6:33, 34

Ked o rom hem i romni tane paše e Jehovaja, oljengo brak šaj te ovel pozoralo.

„On ka oven jekh telo“ (Postanak 2:24).

So valjani te čera te na dukhava jekh avere?

Matej 5:28; Efešanima 4:31

Ki tumari godi, oven verna jekh jekhese. Šukar tano te džane sar osetini pe to bračno drug. Ako haljoveja so povredini jekhe tumendar, tegani ov spremno te menine tut.
Galatima 5:15

Amen niked na mangaja te povredina jekh avere fizički ja emotivno. O gruba lafija šaj samo lošno te utičinen ko amaro brak.
Poslovice 5:18; Jevrejima 13:4

E Jehovase i preljuba tani jekh ozbiljno greh. Amen valjani te ova odlučna te ačhova verna jekh jekhese hem amaro brak te ovel amendže najvažno. Amen niked na mangaja te razočarina e Jehova ja amare bračno amalje.

„Prekali mudrost gradini pe o čher“ (Poslovice 24:3).

So šaj te čere te ovel tut zoralo hem bahtalo brak?

Poslovice 24:4; Matej 6:14, 15; Rimljanima 12:2; 1. Petrova 3:1

Odvojinen vreme te vačeren jekh jekheja. Mothoven mangipe hem poštovanje jekh jekhese. Oven ljubazna hem sigate oprostinen.
Poslovice 14:1; 31:29; Filipljanima 1:9; 2:4; 1. Petrova 3:7

Molin e Jehova te pomožini tut te ove pošukar rom ja romni. Razmislin sar šaj te ove pana poljubazno hem popažljivo.
Rimljanima 12:10; 1. Petrova 4:8

Ako tu deja sa tutar te mothove so mangeja hem poštujineja te rome ja te romnja, tegani to brak ka ovel pozoralo hem e Jehova ka čeren bahtalo.