Mothov zanimanje

So o Isus ćerđa?

VIDEO: O Isus hem i romni ko bunari

1. Dikh o VIDEO ja čitin Jovan 4:6-9. Palo odova, razmislin ando akala pućiba:

1. a. So o Isus primetinđa ki romni angleder te počmini o razgovor?

2. b. O Isus phenđa: „De man hari pani.“ Sose akava hine šukar način te počmini o razgovor?

So sikljovaja ando Isus?

2. Ako počminaja te vaćera andi tema koja zanimini e osoba, najverovatno ka ovel amen šukar razgovor.

Oponašin e Isuse

3. Ov prilagodljivo. Ma vaćer andi disavi tema samo odolese so tu pripreminđan tut aso odova. Počmin o razgovor ađahar so ka vaćere ando odova sostar o manuša razmislinena. Puć tut:

1. a. So hine ko vestija?

2. b. Sostar vaćerena me komšije, me kolege hem me amala ki škola?

4. Razmislin ando manuša. Puć tut:

1. a. So i osoba trenutno ćerela? Sostar šaj razmislini?

2. b. So olake šeja, olako izgled ja olako ćher mothovi maje ando olake verovanja ja andi olaki kultura?

3. c. Da li tano akana pravo vreme te vaćerav e osobaja?

5. Šun.

1. a. Ma vaćer but.

2. b. Podstaknin e osoba te vaćeri so mislini. Ked tano pravo vreme, puć la diso.