POČMIN O RAZGOVOR
LEKCIJA 4
Ov ponizno
Načelo: Oven ponizna hem dikhen averen sar pobare tumendar (Fil. 2:3)
So o Pavle ćerđa?
1. Dikh o VIDEO ja čitin Dela apostolska 26:2, 3. Palo odova, razmislin ando akala pućiba:
a. Sar o Pavle mothovđa poniznost đi vaćerđa e kraljeja?
b. Sar o Pavle usmerinđa i pažnja ko Jehova hem ki Biblija, a na upro peste? (Dikh Dela apostolska 26:22.)
So sikljovaja ando Pavle?
2. Ako hijam ponizna hem mothovaja poštovanje đi propovedinaja, o manuša ka oven pospremna te šunen amen.
Oponašin e Pavle
3. Poštujin averen. Đi vaćereja, ma de utisak so tu sa đaneja, a so i osoba ništa na đanela.
4. Odova so sikaveja valjani te temeljini pe ki Biblija. E Devleso Lafi šaj te utičini upro e manušengo vilo. Ked koristinaja i Biblija ki služba, tegani šaj te pomožina len te temeljinen pi vera ko odova so pisini ko Devleso Lafi, a na ko odova so amen vaćeraja.
5. Ov blago. Ma pokušin te dokažine so hijan u pravu. Amen na mangaja te raspravina amen. Mothov poniznost ađahar so ka aćhove smireno hem ađahar so ka haljove ked valjani te đa tuće (Posl. 17:14; Titu 3:2). Ako hijam blaga, ađahar aćhavaja phravde udara i osoba aver puti te šunel amen.