POČMIN O RAZGOVOR
LEKCIJA 6
Ov hrabro
Načelo: Uzi pomoć ando amaro Devel dobinđam snaga te propovedina tumenđe e Devlesi šukar vest (1. Sol. 2:2)
So o Isus ćerđa?
1. Dikh o VIDEO ja čitin Luka 19:1-7. Palo odova, razmislin ando akala pućiba:
a. Sose šaj disave manuša izbegninđe e Zakheje?
b. So podstakninđa e Isuse te vaćeri lese i šukar vest?
So sikljovaja ando Isus?
2. Amenđe valjani hrabrost te šaj te propovedina sa e manušenđe.
Oponašin e Isuse
3. Oslonin tut upro Jehova. E Devleso duho dinđa e Isusese snaga te propovedini, a šaj te del hem tuće (Mat. 10:19, 20; Luka 4:18). Rode e Jehovastar te del tut hrabrost te šaj te vaćere e manušencar kolendar šaj daraja (Dela 4:29).
4. Ma te oven tut predrasude premalo manuša. Šaj tano amenđe pharo te propovedina disave manušenđe sebepi olengo izgled, način života, olenge verovanja ili odolese soj tane barvale ili ćorore. Ama, ma bistri:
a. O Jehova hem o Isus šaj te dikhen so isi ko manušeso vilo, a amen našti.
b. Na valjani te mislina so o Jehova našti te pomožini disave osobaće.
5. Ov hrabro, ama ko isto vreme taktično hem oprezno (Mat. 10:16). Ma raspravin tut e manušencar. Ljubazno ćhinav o razgovor ako i osoba na mangela te šunel i šukar vest ili ako na osetineja tut bezbedno odothe (Posl. 17:14).