O Devel mangela amen hem ka anel amenđe večna blagoslovija

• Da li bi mangeja te živine ko sveto kuri nane maribe, nasilje hem svađe?

• Da li bi mangeja te avel o vreme ked na ka oven nabormipa, patnje hem meribe?

• Da li bi mangeja te živine bizo brige hem problemija?

• Da li bi mangeja te živine ko than kuri nane prirodna katastrofe?

O Devel kova mangela amen hem kova stvorinđa amari šuži Phuv, obećinđa so ka del e manušenđe večno životi ko mir hem bahtalipe. Odova nane paramiz.

Ko člankija ando akava časopis šaj te arakhe o odgovorija ko akala pučiba:

• Sar amaro Stvoritelj mothovi so mangela amen?

• So mothovi amenđe e Devleso pisimo Lafi?

• So mothovđe e Devlese prorokija ando blagoslovija kola ov obećinđa?

• Sar o Devel ka pomožini amen te ova bahtale avdije hem ki budućnost?

Najangleder hajde te dikha sar o Devel mothovi so mangela amen prekalo buća kola stvorinđa.