O teokratska džilja kola zorjačerena amen

Ked hine ko phanljipe o Pavle hem o Sila slavije e Devlje džiljenca (Čer 16:25). Ko amaro vakti, amare phralja džilabdže amare džilja ked hine ko logor Zaksenhauzen ki Nemačka hem ked hine bičhalde ko Sibir. Akala primerija mothovena amendže kobor o džilja zorjačerdže e phraljen kola hine ko pharipe.

Pana hari, ko but čhibja ka ovelmen nevi pesmarica Radosno pevajmo Jehovi. Ked ka ovelmen i pesmarica amen šaj ko amaro familjijarno sikljovibe te džilaba o neve džilja, adžahar šaj te ačhon amendže ki godi (Ef 5:19). Tegani o sveti duh ka pomožini amendže te setinamen ko džilja ked ka ovelmen pharipa ko amaro dživdipe. O džilja šaj te pomožinen amen te na našala amari nada. On šaj te zorjačeren amen ked hijam ko pharipe. Isto adžahar, ked hijam but šukar hem ked tano amaro vilo pherdo, o šuže lafija kola džilaba čerenamen te ova bahtalje (1Le 15:16; Ps 33:1-3). Sare amen valjani te da sa amendar te džilaba amare džilja.

DIKH O FILM PESMA KOJA JE BODRILA LOGORAŠE HEM PALO ODOVA ODGOVORIN KO AKALA PUČIBA:

• Ko save situacije o phral Erih Frost čerdža i džilji?

• Sar akija džili zorjačerdža e phraljen kola hine ko logor Zaksenhauzen?

• Ko save situacije o džilja šaj te zorjačeren amen?

• Savi džili tu mangeja te sikljove ki godi?