Čer to lično proučibe te ovel pokorisno

SOSE TANO ODOVA VAŽNO. O lično proučibe ando e Devljeso Lafi pomožini amen potpuno te haljova „kobor tano buvlo, dugačko, učo hem hor o čačipe“ (Ef 3:18). Isto adžahar, pomožini amen te ačhova besprekorna hem bizo mana maškaro manuša kola živinena ko akava rumimo sveto hem te ičera amen zoralje „ko lafi e dživdipaso“ (Fp 2:15, 16). Ked lično proučinaja e Devljeso Lafi, šaj te birina o materijali kova tegani valjani amendže. Sar šaj najšukar te koristina o vreme ked čitinaja hem proučinaja i Biblija?

SAR TE ČERA ODOVA

• Obeležin o stihija hem čer beleške ki tiklji Biblija, bilo ko ljil ja ko elektronsko format

• Dži čitineja i Biblija puč tut: „Ko? So? Ked? Kuri? Sose? Sar?“

• Sikljov pobuter. Koristin o alatija kola tuče dostupna te šaj te istražine dijekh tema ja e biblijako stih

• Razmislin sar odova so čitindžan šaj te koristini tuče

• Primenin odova so sikljoveja svako dive ko to dživdipe (Lu 6:47, 48)

DIKH O KRATKO FILM ČVRSTO SE DRŽI „REČI ŽIVOTA“ – TEMELJNO PROUČAVAJ HEM PALO ODOVA ODGOVORIN KO AKALA PUČIBA:

• So disave phendže odoljestar sar proučinena?

• Sose valjani uvek te molina amen angljeder so ka počmina te proučina?

• So šaj te pomožini amen te haljova pošukar e biblijake stihija?

• Sar šaj te obeležina odova soj tano amendže interesantno ki Biblija?

• Sose tano but važno hor te razmislina ked proučinaja e Devljeso Lafi?

• So valjani te čera ked diso istražinaja?