12. LEKCIJA
So ka pomožini tuće hem ponodri te proučine i Biblija?
Ked proučineja i Biblija, odova tano sar ked hijan ko jekh drumo. Ama, sar so đaneja, ko drumo šaj te ovel tut pharipa. Podijekh puti šaj pućeja tut da li valjani hem ponodri te proučine i Biblija. Ama, sose tano važno te de sa tutar hem ponodri te proučine? So ka pomožini tut hem ponodri te proučine, iako isi tut pharipa?
1. Sose tano važno te proučine i Biblija?
„E Devleso lafi tano đivdo hem delotvorno“ (Jevrejima 4:12). Jedino i Biblija šaj te mothovi tuće sar o Devel razmislini hem so osetini premalo tute. Oj šaj te pomožini tuće na samo te sikljove but buća, već hem te ove ćaće mudro manuš hem te ovel tut nada. Soj tano najvažno, šaj te pomožini tut te ove e Jehovaso amal. Ako proučineja i Biblija, to životi šaj te ovel pana pošukar.
2. Sose tano važno te haljove so o ćaćipe andi Biblija tano vredno?
O ćaćipe andi Biblija tano sar ked o manuš isi le baro barvalipe. Odolese, i Biblija phenela: „Ćin o ćaćipe hem niked ma bikin le“ (Poslovice 23:23). Ked ićeraja ki godi kobor tano vredno o ćaćipe andi Biblija, amen ka da sa amendar hem ponodri te proučina, iako isi amen pharipa. (Čitinen Poslovice 2:4, 5.)
3. Sar šaj o Jehova te pomožini tut hem ponodri te proučine i Biblija?
O Jehova tano to Stvoritelj hem to amal. Odolese mangela te pomožini tut te sikljove olestar. Ov šaj te del tut „hem želja hem snaga te ćere odova soj tano pali olesi volja.“ (Čitinen Filipljanima 2:13.) Odolese, ako podijekh puti nane tut želja te proučine ili ako tano tuće pharo te ićere tut ko odova so sikljoveja, o Jehova šaj te pomožini tut. Isto ađahar, ov šaj te del tut snaga te istrajine ked isi tut problemija ja ked avera protivinena pe tuće. Redovno molin tut e Jehovase te pomožini tut hem ponodri te proučine i Biblija (1. Solunjanima 5:17).
SIKLJOV POBUTER
Sikljov sar šaj hem ponodri te proučine i Biblija, iako isi tut but buti ja avera protivinena pe tuće. Palo odova, dikh sar o Jehova ka pomožini tuće te istrajine.
4. To kurs nek ovel tuće najvažno
Disavo puti isi amen odobor but buća te ćera so mislinaja so nane amen vreme te proučina i Biblija. So šaj te pomožini amenđe? Čitinen Filipljanima 1:10, hem palo odova vaćeren ando akala pućiba:
So mislineja, soj tano najvažno ko životi?
So šaj te ćere te mothove so o kurs tano tuće but važno?
1. Ako ki posuda prvo ćhiveja i pošik, o bara na ka resen
2. Ama, ako prvo ćhiveja o bara, tegani ka ovel than te resel hem i pošik. Isto ađahar, ako o najvažna buća ćhiveja ko prvo than ko to životi, tegani na samo so ka ćere odola važna buća već ka ovel tut vreme hem aso avera buća
Amenđe valjani o Devel. Ked proučinaja i Biblija, amen šaj te penđara e Devle hem te služina olese. Čitinen Matej 5:3, hem palo odova vaćeren ando akava pućibe:
Sose tano šukar amaro kurs te ovel amenđe najvažno?
5. Istrajin iako avera protivinena pe tuće
Disavo puti avera ka phenen tuće so na valjani te proučine i Biblija. Odova doživinđa hem o Frančesko. Dikhen o VIDEO, hem palo odova vaćeren ando akala pućiba:
Sar reagujinđa olesi porodica hem olese amala ked phenđa lenđe so proučini i Biblija?
Kola šukar buća doživinđa sebepi so na odustajinđa?
Čitinen 2. Timoteju 2:24, 25, hem palo odova vaćeren ando akala pućiba:
So ti porodica hem te amala mislinena ando odova so proučineja i Biblija?
Premalo akala stihija, sar valjani te reagujine ako nekase na sviđini pe so proučineja i Biblija? Sose valjani ađahar te reagujine?
6. Mukh tut upro Jehova
So hijam pana popaše e Jehovaja, ka ovel amen pana pobari želja te šuna le. Ama, disavo puti šaj te ovel amenđe pharo te ićera amen ko odova so o Jehova rodela amendar. Ako hem tu disavo puti osetineja tut ađahar, ma odustajin. O Jehova ka pomožini tut. Dikhen o VIDEO, hem palo odova vaćeren ando akala pućiba:
Kola promene valjanđa te ćerel o Džim?
So posebno sviđinđa pe tuće ando oleso primer?
Čitinen Jevrejima 11:6, hem palo odova vaćeren ando akala pućiba:
So ka ćerel o Jehova okolenđe kola dena sa pestar pošukar te penđaren le hem te šunen le?
Premalo akava stiho, sar o Jehova osetini pe ked dikhela so deja sa tutar te proučine i Biblija?
AKO NEKO PUĆELA: „Sose proučineja i Biblija?“
So šaj te phene lese?
SO SIKLJILJAM
Iako podijekh puti nane lokho te proučine i Biblija, odova ka pomožini tuće zauvek te ove bahtalo. Mukh tut ko e Jehovase vasta hem ov ka nagradini tut.
Te ponovina
Sose tano tuće važno o ćaćipe andi Biblija?
Sar šaj te đane „soj tano najvažno“ ko to životi?
Sose valjani te molina amen e Jehovase te pomožini amen hem ponodri te proučina i Biblija?
RODE POBUTER
Dikh kola štar buća pomožinđe bute manušenđe šukar te koristinen po vreme.
„Sar šaj mudro te koristina amaro vreme?“ (Probudite se!, februar 2014)
Dikh sar o Jehova pomožinđa jekha romnjaće kaso rom na haljilo sose oj mangela te služini e Devlese.
Dikh sar jekhe romese pomožinđa odova so olesi romni na odustajinđa ando odova te proučini i Biblija.
Disavo puti o manuša phenena so e Jehovase svedokija rasturinena o porodice. Ama, da li tano odova ađahar?