O šukar delija hem o hor poštovanje šaj but te utičinen upro avera

O šukar ponašanje ando amare phenja but putija pomožini oljenge romendže te prihvatinen o čačipe. Ama, šaj ka valjani beršencar te istrajinen ko but pharipa (1Pe 2:21-23; 3:1, 2). Ako hijan ki asavki situacija, nastavin hem ponodri te nadvladine o lošno šukaripaja (Ri 12:21). To šukar primer šaj but poviše te utičini upro toklo bračno partneri, nego li o lafija kola vačereja.

Trudin tut te dikhe ko buča adžahar sar so dikhela ljen to bračno partneri (Fp 2:3, 4). Mothov saosećanje hem de sa tutar te ispunine ti odgovornost koja isi tut sar romni. Šun lje pažljivo (Ja 1:19). Ov strpljivo hem uverin te rome so mangeja lje. Čak ako niked na ponašini pe tuva ljubazno hem na poštujini tut sar tu olje, ov sigurno so o Jehova cenini ti vernost (1Pe 2:19, 20)

DIKH O KRATKO FILM JEHOVA NAM DAJE SNAGU DA NOSIMO SVOJE BREME HEM PALO ODOVA ODGOVORIN KO AKALA PUČIBA:

• Savo dživdipe hine la i phen Grejs Li kotar početko ando olako brak?

• So sviđindža pe olače kotar e biblijako čačipe?

• Sar i phen Li istrajindža, iako hine la but problemija palo krštenje?

• Sostar i phen Li molindža pe e Jehovase sebepi po rom?

• Kola blagoslovija doživindža i phen Li odoljese so šukar ponašindža pe hem hor poštujindža pe rome?