Ćer pošukar ti služba – svedočin prekalo telefoni

SOSE TANO ODOVA VAŽNO. Te svedočina prekalo telefoni tano važno način te da „temeljno svedočanstvo“ andi šukar vest (Del 20:24).a Ko asavko način šaj te svedočina nekase kasa našti lično te vaćera sebepi o okolnostija.

SAR TE ĆERA ODOVA

• 

  Pripremin tut. Birin i tema koja ka zanimini bute manušen. Palo odova pisin so mangeja te phene. Isto ađahar, pripremin jekh kratko poruka te bi objasnineja sose vićinđan ako uključini pe i telefonsko sekretarica. Šukar tano te beše ko astali hem uzo tute te ovel tut te beleške hem avera buća kola ka valjani tuće, sar soj tane o elektronska uređaja ko kola tane phravde o JW Library^® ja o sajt jw.org^®

• 

  Ov opušteno. Vaćer prirodno. Asa hem ćer gestija sar ked lično vaćereja e manušeja. Ma ćer pauze kuri na valjani. Šukar tano te sarađujine averencar. Ako o stanari postavini dijekh pućibe, ponovin le ko glaso te šaj to partneri te pomožini tuće te arakhe o odgovor

• 

  Aćhav phravdo pućibe asi naknadno poseta. Ako o manuš tano zainteresimo, šaj te aćhave o pućibe ko kova ka odgovorine ked ka vićine le aver puti. Isto ađahar, šaj te puće le da li mangela te bićhale lese diso kotar amari literatura prekalo mejl, prekali pošta ja tu te legare lese. Ja šaj te puće le te bićhale lese prekali poruka ja mejl dijekh amaro kratko film ja članko. Ako tano prikladno, spomenin e manušese disavi tema kotar amaro sajt.