O brako – veza koja večno trajini

O šukar brakija slavinena e Jehova hem anena bahtalipe e romese hem e romnjaće (Mr 10:9). Te šaj te ovel amen bahtalo brako kova ka trajini, valjani te ićera amen ko biblijake načelija ked birinaja kasa ka khuva ko brako.

Mudro tano te khuva ki veza ked na hijam više but terne, ked o seksualna želje nane više zorale (1Ko 7:36). Đi pana hijan kokri koristin mudro odova vreme te zorjaćere to amalipe e Jehovaja hem te ćere ko tekle osobine. Tegani, tu ka ovel tut so te de te šaj to brako te ovel uspešno.

Angleder te khuve nekasa ko brako, valjani šukar te penđare odola osoba (1Pe 3:4). Ako primetinđan diso ozbiljno so na sviđini pe tuće, ov spremno te vaćere te budućo romeja ja romnjaja. Aso jekh uspešno brako važno tano te dikhe so šaj te de, a na so šaj te dobine (Fp 2:3, 4). Ako ićereja tut ko biblijake načelija angleder so khuveja ko brako, ka ovel tuće polokho te ćere isto odova ko brako hem ka ove bahtalo.

DIKH O VIDEO PRIPREMIN TUT ASO BRAK – 3. DEO: RAČUNIN O TROŠKO HEM PALO ODOVA ODGOVORIN KO AKALA PUĆIBA:

• Sar napredujinđa e phenjaki veza e Šeineja?

• So primetinđa koro leste đi hine ki veza?

• Sar olake roditeljija pomožinđe laće, hem savi mudro odluka oj anđa?