O pastirija kola ćerena buti aso amaro šukaripe

But manuša isi len lošno mišljenje okolendar kola isi len autoritet. Amenđe nane pharo te haljova len, sose but manuša koristinđe po autoritet ko lošno način (Mi 7:3). Amen hijam but zahvalna so o starešine sikljona sar te koristinen po autoritet aso amaro šukaripe (Jes 10:3; Mt 20:25, 26).

O phralja kola isi len autoritet ki skupština tane but averćhane ando manuša kola isi len autoritet ko sveto. On mangena te služinen sar starešine, sose mangena e Jehova hem olese narodo (Jv 21:16; 1Pe 5:1-3). On ićerena pe ko Isusese smernice hem pomožinena svakone objaviteljese te osetini soj tano deo andi Jehovasi porodica hem te aćhol paše e Jehovaja. On tane spremna te ohrabrinen averen hem te pomožinen ked nekase valjani hitno medicinsko pomoć ja ked ovela disavi prirodno katastrofa. Ako valjani tuće pomoć, ov slobodno hem vaćer dijekhe starešinaja andi ti skupština (Ja 5:14).

DIKH O VIDEO O PASTIRIJA BRININENA PE ANDO STADO, HEM PALO ODOVA ODGOVORIN KO AKALA PUĆIBA:

• Sar o starešine pomožinđe e Marijanaće?

  To odgovor

• Sar o starešine pomožinđe e Elijasese?

  To odgovor

• Akana ked dikhljan akava video, so tu mislineja andi buti koja o starešine ćerena?

  To odgovor