O Devel brinini pe tuće
KI BIBLIJA šaj te arakha najšukar savetija sose oj avela ando Devel. Naravno, oj nane medicinsko udžbenik, ama šaj te pomožini amenđe ked hijam ko disave stresna situacije, ked isi amen disave negativna mislija, ked isi amen bari dukh ko vilo ja ked isi amen razna problemija sastipaja.
I Biblija mothovi so amaro Stvoritelj, o Jehova,a đanela amare mislija hem haljola amare osećanja pošukar ando bilo kova manuš. Ov mangela te pomožini amenđe te ikljova ko krajo amare problemencar. Te dikha duj stihija kola mothovena odova:
„O Jehova tano paše okolencar kola tane phage vileja, ov spasini okolen kola tane obeshrabrime“ (PSALAM 34:18).
„Me, o Jehova, to Devel, ićerava tut kotar to desno vas hem phenava tuće: ’Ma dara. Me ka pomožinav tut‘“ (ISAIJA 41:13).
Ama, sar o Jehova pomožini amenđe te borina amen ako isi amen disavo problemi e mentalno sastipaja? Sar so ka dikha ko avera člankija, o Jehova brinini pe amendar hem pomožini amenđe ko razna načinija.
a Jehova tano e Devleso anav (Psalam 83:18).