Ideje aso proučavanje

Arakh biserija ando Jehova

Ked čitinaja i Biblija, amen šaj te koristina amare publikacije te šaj te haljova odova so čitinaja. Ama, amen na mangaja te proučina samo te šaj te ovel amen pana pobaro znanje andi Biblija. Amaro cilj tano te sikljova pobuter ando odova savo tano o Jehova te šaj amaro mangipe premalo leste te ovel pana pobaro. Te šaj te ćera odova, šaj te puća amen: „So kotar akava izveštaj sikljovava ando Jehova?“

Na primer, šaj te rode pobuter ando odova sar o Jehova mothovi mangipe, mudrost, pravda hem moć. Ama, o Jehova nane le samo akala osobine, ov isi le pana šuže osobine ando kola šaj te sikljove. Kuri šaj pana pobuter te sikljove ando Jehovase osobine?

Ko Indeks ando publikacije đa ki tema „Jehova“, a palo odova ko podnaslov „Osobine po nazivu“ hem ka dikhe so odothe isi prekalo 50 osobine. Proučin i osobina andi koja vaćeri pe ko izveštaj kova čitineja. (Ako isi tut samo Vodič kotar publikacije ando Jehovase Svedokija, tegani đa ki tema „Jehova Bog“, a palo odova ko podnaslov „Jehovine osobine“.)