Crtin te šaj te pamtine

Šaj hem tuće, sar butenđe amendar, tano pharo te setine tut so proučinđan. Ama, lokho tano te pamtina odova so o Isus sikavđa, sose ov koristinđa poređenja. Odolese, amen šaj te zamislina odova so phenđa hem odova pomožini amen te pamtina. Isto ađahar, polokho ka pamtine odova so proučineja ako ka ćere tuće slike ki godi. Sar šaj te ćere odova? Ađahar so ka crtine đi ka proučine.

O manuša kola crtinena odova so sikljona, obično pošukar pamtinena. Akija metoda tani šukar sose pomožini amen, na samo pošukar te haljova o lafija, već hem o glavna buća ando odova so sikljovaja. Na valjani te ova umetnikija, šaj te crtina jednostavna buća. Odija metoda posebno pomožini e phurenđe.

Aver puti ked ka proučine, pokušin te crtine. Ka iznenadine tut ked ka dikhe kobor buća pamtinđan.