Pripremin to vilo

Ked proučinaja i Biblija, amen mangaja o buća kola sikljovaja te utičinen upro amare mislija, osećanja hem želje. Ko odova amenđe šukar primer o Jezdra kova pripreminđa po vilo te „istražini e Jehovaso zakon“ (Jezd. 7:10). Sar šaj amen te pripremina amaro vilo?

Molin tut. Angleder so počmineja te proučine, molin tut. Rode ando Jehova te pomožini tut te haljove hem te primenine odova so sikljoveja (Ps. 119:18, 34).

Ov ponizno. O Devel garavi o ćaćipe ando okola so osloninena pe ko po đandipe (Luka 10:21). Amen na valjani te proučina sose mangaja te mothova averenđe kobor đanaja. Ked haljovaja so ko diso valjani te menina amen, valjani te ova ponizna hem te ćera promene.

Šun jekh teokratsko đili. I muzika šaj te utičini ko amare emocije. Odolese, ako šuneja jekh đili angleder so proučineja, odova ka pomožini tut te pripremine to vilo.