Da li ka avel o vreme ked o rasna podele više na ka oven – So phenela i Biblija?

But manuša mislinena so uvek ka oven rasna podele.

• O generalno sekretari ando Ujedinjena nacije, o Antonio Guteres, phenđa: „Ko celo sveto, o rasizam tano sar jekh simbolično otrov kova anela šteta aso but organizacije, društvena grupe hem e obično manušenđe. Sebepi o rasizam, o manuša tane nepravedna jekh premalo jekheste.“

Da li ka avel o vreme ked o rasna podele više na ka oven? So i Biblija phenela odolestar?

Sar o Devel dikhela ko rasna podele?

I Biblija mothovi amenđe sar o Devel dikhela ko manuša ando različita rase.

• „[O Devel] kotar jekh manuš ćerđa sa e manušen te šaj te živinen ki celo phuv“ (Dela apostolska 17:26).

• „O Devel na dikhela koj tano ko, nego kotar svako narodo prihvatini sarinen kola darana olestar hem ćerena odova soj tano pravedno“ (Dela apostolska 10:34, 35).

I Biblija phenela so sa o manuša tane deo kotar jekh porodica hem so o Devel prihvatini e manušen andi svako rasa.

Ked više na ka oven rasna podele?

Ked e Devleso Kraljevstvo ka vladini, više na ka oven rasna podele. Odija vladavina, koja tani ko nebo, ka pomožini e manušenđe te sikljon sar te ponašinen pe šukar jekh premalo jekheste. O manuša ka sikljon te na ćeren razlike maškaro peste.

• „Okola kola živinena ki phuv ka sikljon andi pravednost“ (Isaija 26:9).

• „I pravednost ka anel đi o mir, a o plod andi pravednost ka ovel o večno mir hem sigurnost“ (Isaija 32:17).

Avdije, but manuša andi Biblija sikljona sar te poštujinen e manušen hem olengo dostojanstvo.

• Ako mangeja te đane pobuter, čitin o članko „Ima li leka za predrasude?“ ando časopis Probudite se!

• Ako mangena te đanen sar šaj te vaćeren tumare ćhavencar andi akija tema, čitin o članko „Kako razgovarati s decom o rasnoj i etničkoj diskriminaciji“.