Da li valjani te ova veganija – so phenela i Biblija?

Ko celo sveto, but manuša tane zainteresime aso veganstvo.

• „O veganstvo uključini o način sar razmislinaja hem sar živinaja. O manuša kola tane veganija na koristinena o životinje asi hrana, aso šeja ja aso bilo kola avera buća“ (The Vegan Society).

Disave manuša ulje veganija na samo sebepi so brininena pe ando životinje, već hem sose brininena pe andi amari phuv, ando po sastipe ja sebepi pe verovanja.

• „O veganstvo tano averćhane ando but avera dijete, sose but veganija ko odova dikhena sar poklo verovanje hem sar način te meninen o sveto ko pošukar“ (Britannica Academic).

Da li valjani sare te ova veganija te bi rešinena pe sa o problemija ki phuv? So phenela i Biblija?

Sar o Devel dikhela ko manuša hem ko životinje?

I Biblija mothovi so anglo jaćha ando amaro Devel, o Jehovaa, o manuša tane považna ando životinje. Ov e manušenđe dinđa vlast upro životinje (Postanak 1:27, 28). O Devel dozvolinđa e manušenđe te koristinen e životinjen sar hrana (Postanak 9:3). Ama, ov na mangela ked o manuša tane okrutna premalo olende (Poslovice 12:10).

Premali Biblija, da li neko ka hal mas ja na, tani samo olesi lično odluka.b Savi god odluka neko te anel, odova na značini so ka ova pošukar manuša anglo Devlese jaćha (1. Korinćanima 8:8). Niko na valjani te osudini nekas sebepi i odluka koja anđa (Rimljanima 14:3).

Soj tano o rešenje?

I Biblija phenela so o način sar živinaja na ka cidel o problemija kola isi ko akava sveto. But problemija ovena sebepi i politika, sebepi so but phuvja nane len ista uslovija aso životi hem nane len dovoljno pare. Odola problemija niko našti te rešini. I Biblija phenela:

• „Okova soj tano bango našti te ispravini pe“ (Propovednik 1:15).

Amaro Stvoritelj ka cidel sa o problemija kola isi amen avdije. I Biblija mothovi ko jekh simbolično način so ov ka ćerel.

• „Hem dikhljum o nevo nebo hem i nevi phuv, sose okova nebo hem okija phuv više na hine, a ni o more više na hine“ (Otkrivenje 21:1).

O Devel ka cidel „okova nebo“ ja sa o manušikane vlastija hem ka vladini „o nevo nebo“ ja oleso nebesko Kraljevstvo. Odova Kraljevstvo ka cidel „okija phuv“ ja e lošnonen hem ka vladini upri „nevi phuv“ ja upro poslušna manuša.

Jedino ked ka vladini e Devleso Kraljevstvo o manuša ka sikljon te živinen ko mir e životinjencar hem te poštujinen amari phuv (Isaija 11:6-9).