Da li e Jehovase svedokija ćaće zabraninena disave filmija, knjige hem đilja?
Na. Amari organizacija na odredini amenđe so ka dikha, so ka čitina ja so ka šuna. Sose na?
E Devleso Lafi podstaknini amen te koristina amari godi te šaj te đana soj tano šukar, a soj tano lošno (Jevrejima 5:14).
Ko Devleso Lafi šaj te arakha disave načelija kola šaj te pomožinen amenđe ked birinaja amari zabava.a So god te ćera ko amaro životi, amaro cilj tano „te ispitina kola buća tane šukar anglo Gospodese jaćha“ (Efešanima 5:10).
E Devleso Lafi sikavi amen so o poglavari isi le autoritet ki porodica. Odolese, ov šaj te odredini andi savi zabava olese ćherutne valjani te ciden pe (1. Korinćanima 11:3; Efešanima 6:1-4). Niko aver nane le pravo te phenel averese so ismini, a so na ismini te dikhel, te šunel ja te čitini (Galatima 6:5).
a Na primer, i Biblija osudini sa kaj isi spiritizam, nemoral ja nasilje (Ponovljeni zakoni 18:10-13; Efešanima 5:3; Kološanima 3:8).